8 Yamalhekeru, Nlhuku nkeerelha Anuhu ni achishaana aya wiira, 9 "Kinoweesha malhehano aka ni inyu ni iyari inyu inowa 10 ni cho wuupiya chikumi chonkhaye, ni ashinuni ni ashinama o uhuwiya ni o mwiithuphini onkhaye aakhumme nsafinani vamoka ni inyu. 11 Kinoopanga malhehano aka ni inyu wiira, mena cho wuupiya chonkhaye khachinowa cheeviya ni niwambwe, mena khinowa yaakhumelhelha tho niwambwe no ulhakalhiha ilhapo." 12 Tho, Nlhuku aheera, "Nna phi nthonyero no malhehano anopanga aka variyari ihu ni kila yo wuupiya irii ikumi vamoka ni inyu mwaatti, ni wo iyari chinyu chinowa chonkhaye. 13 Kiheesha nikhwii naka umahuteni ninohalha ukhalha phi nthonyero no malhehano variyari aka ni ilhapo.