1 Pambeli Ayubu kamuyangula,

2 Damuyendileli kugobola mbaka ndili,

na mukudumula mpomelu?

3 Myanja yosi mung'ombang'omba.

Wuli, mukuwona chindipa ng'odu kugolalela wafu?

4 Hata leki yingavelili nakaka mifya,

ali livifyu lyangu lya yumwi ha.

5 Mukubedala ili mwikweshi mwaveni,

mukung'ombang'omba kwanongwa ya kubedaliwa kwangu.

6 Ukuwesha ha kufiwona nongwa Chapanga ndi yagolili?

kavika mtambu ang'omeshi.

7 Hata leki ngulila, Muyenu ngugobuliwa Lakini kwahela yanyangula,

hata leki nguluva kutangiwa,

hata Chapanga akugoleli usangi ha.

8 Chapanga kativa deha yangu ngotoo kupita,

kavika chisi mudeha yangu.

9 Kawusha fwamuku yangu.

Kang'ushila ndundamilu yangu.

10 Kabenanga kila mwambu, na nenga mbela tipu,

shuvililu yangu yitupuliwa kucha libiki wulitupuliwa.

11 Chapanga kangalalila munu,

kang'ona kucha chimdwama waki.

12 Vangandawu vaki vahomukela,

vagola deha sha kwisa kumbundangila,

vavika kambi kushengeta libudi lyangu.

13 Chapanga kavavika valongu vangu patali na nenga,

vaghanja vangu va nakaka vanema.

14 Valongu vangu na vaghanja vangu vakundanga kandi ha.

15 Vahenja yivaveli munyumba yangu, na vayaya vangu vakung'ona kucha muhenja,

kwa veni ndiva kucha mundu yangajila kumanyika.

16 Hata pandimkema ndumindumi wangu akunyitikila ha,

hata pandimluva utangi akundanga ha.

17 Ndiva chinyala kwa mwehi wangu,

hata valongu vangu vakuselilela ha.

18 Hata vana vadokwa vakubedala,

pavang'ona vakunyovishela.

19 Hata vaghanja vangu va nakaka vakunyekwa,

vala yindivatamili vang'alambukila.

20 Ng'anda sighala mipava na mihemahemba weka,

nenga ng'uyila palyowu!

21 Mung'oneli lusungu, vaghanja vangu,

nongwa Chapanga kandova.

22 Nongwa liki mukugobola kucha Chapanga wagobola?

Wuli mudopilela ng'odu na ndambu wung'andili?

23 Leki filongu fyangu fingayandikiwili,

yingavelili nyanyi fingayandikiwili muchitabu!

24 Yingavelili nyahyi vangasonguliwili kwa chuma na lisasi,

afi fingasonguliwili paligonguveli liikala jola.

25 Manya kucha mkombola wangu kava mnofu,

kumbelu dawoloki kumlima kundashila nenga.

26 Hata leki ngwembi yangu payidanganyishiwili kala nahawu,

dandimuwoni Chapanga kwa mvili wangu.

27 Nakaka ndimweni dandimuwoni,

dandimuwoni kwa mesu vangu ndimweni, mundu wingi ha.

Loli ndima yangu yimdobukela munu.

28 Vaghanja vangu, mukotoo kwihola deha yigolili nenga gobuleki munu.

Mukudeta kucha, "Ndiyisakila ndimweni gobuleku ayi."

29 Mwivavali mwaveni na highilu,

nongwa maya davayeghi highilu,

na damumanyi kucha kuna chitovi.