1 Nnya nsɔ be baka di Israel batii lalenkee ni ku mba nsɔ baafũ ni di Yordan kufĩ katunkɔ. Diayɔ ni di Arnon Kɔwɛ dialaadu Hermon Kobokote, di Araba kufĩ katunkɔ lɛkyɛ nimuu nsi ni kaamɛ:

2 Amori batii ɔka Sihon,

wɔ niale ni sɛka di Hesbon. Aale sɛka diayɔ ni di Aroer di Arnon Kɔwɛ kotoko- diayɔ di kɔwɛ nwu ntɛɛntɛɛ- dialaadu Yabok Okle wɔ ninle ni Amon batii kɔmɛ. Di Gilead-kakyɛ nsi ni kaamɛ. 3 Aale sɛka kafɔɔ di Araba kufĩ katunkɔ suoto, diayɔ ni di Kinerot Lekpo dialaadu Araba Lekpo (Mmba Lekpo), dialaadu Bet Yesimot, ni diafe di Pisga abokote lɛkyɛlɛlɛɛ kala kasɔ nɛ.

4 Ku Basan ɔka Og kasɔ,

Refait batii nwu yɛntɛle onwii wɔ niale ni sɛka di Astarot ku Edrei. 5 Aale sɛka di Hermon Kobokote suoto, Salka, Basan omuu dialaadu Gesur ku Maakat batii kɔmɛ, ku Gilead kakyɛ dialaadu Hesbon ɔka Sihon kɔmɛ.

6 SAATE nwu kpɛmblatɛ, Mose ku Israel batii lalenkee ma. Ni di SAATE nwu kpɛmblatɛ Mose layɔ kasɔ lɛma nwu aata Ruben batii, Gad batii ku Manase kɔna-kakyɛ nwu alɛ kabla kalema nɛ.

7 Mba mmle ninle kasɔ baka ba di Yosua ku Israel batii lalenkee ni di Yordan kufĩ kamɛɛkɔ lɛkyɛ nɛ. Diayɔ ni di Baal Gad di Lebanon Ɔtaata nwu dialaadu ni Halak Kobokote diofe ni Seir lɛkyɛ (nsɔ lɛma nwu di Yosua layɔ aata ni Israel ana nwu fɛ atesaa di ana lɛma letembi kanya nɛ. 8 Akpenkpe nwu kale ku kufĩ kamɛɛkɔ akpenkpe nkpaa ku Araba, abokote nwu nkyɛlɛlɛkɔ, ɔfaafuu nwu ku Kalakasɔ- Heti batii, Amori batii, Kanaan batii, Perisi batii, Hewi batii ku Yebusi batii nsɔ):

bamuu labla baka afosi-atiɛ-onwii