1 Ninfɛ di Lewi batii ayo kamɛ banɔɔfo lakyɛ oletatɛ Eleasar ku Nun obisuɔtɔbi Yosua ku Israel ana bamba ayo kamɛ banɔɔfo ɔkyɛ 2 di Silo di Kanaan baalaatɔkɔ ma alɛ, "SAATE nwu labuɛ aafenko di Mose suoto alɛ bita wo sekpoo buosiɛ ku babɔkɛɛ sele loo sɛfa kaweekɔ." 3 Nioso fɛ mmle di SAATE nwu labuɛ nii, Israel batii lata Lewi batii sekpoo se mmle ku sɛfa kaweekɔ di atesaa lɛma amu kamɛ:

4 Atrebi owii nwu kasale lawa diata Kohat batii di kafaabi, kafaabi kanya. Baata Lewi batii ba niale ni Aron banantii, olebatatɛ nwu, ekpoo lefosi-etiɛ di Yuda ku Simeon ku Benyamin ana kamɛ. 5 Baata Kohat batii banantii bule ekpoo lefosi di Efraim ku Dan ana ku Manase kɔna-kakyɛ di kufĩ kamɛɛkɔ nfaabi kasɔ.

6 Baata Gerson banantii ekpoo lefosi-etiɛ di Isakar, Aser, Naftali ana nfaabi ku Manase kɔna-kakyɛ nwu di kufĩ katunkɔ kafaabi di Basan.

7 Merari banantii lafũ ekpoo lefosi-ɛnyɔ di kafaabi, kafaabi kanya di Ruben ku Gad ku Sebulon ana ɔkyɛ.

8 Nioso Israel batii lata Lewi batii sekpoo se mmle ku sɛfa kaweekɔ, fɛ mmle di SAATE nwu labuɛ aafenko ni di Mose suoto.

9 Di Yuda ku Simeon ana kamɛ baayɔ sekpoo se mmle baata di ayooto kanya 10 (sekpoo se mmle baayɔ baata Aron banantii ba niakye ni Kohat batii nfaabi, baale ni Lewi batii, diekye atrebi owii nwu kasale lase di suoto lɛma):

11 Baayɔ Kiriat Arba (nnwu ninle Hebron nɛ), baata ma ku sɛfa kaweekɔ ka niɛmana sĩ siekyi nii, di Yuda kale lekpenkpe. (Arba niale Anak waawa nɛ.) 12 Kafɔɔ baayɔ afe ku sekpooenyii se di okpoo kplɛ nwu sɛlɔɔkɔ baata Yefune obisuɔtɔbi Kaleb fɛ kalekɔ nɔɔ.

13 Nioso baayɔ Hebron (katanikokɔ okpoo diɛta ni otii wɔ nielo ni otii) baata oletatɛ Aron banantii, Libna, 14 Yatir, Estemoa, 15 Holon, Debir, 16 Ain, Yuta ku Bet Semes, di babɔkɛɛ lɛma sɛfa nweekɔ nsɔ nkyakaa nii- ekpoo ɛnaasĩ niakye ana anyɔ ya mmle kamɛ.

17 Di Benyamin kɔna kamɛ, baayɔ Gibeon, Geba, 18 Anatot ku Almon, di babɔkɛɛ lɛma sɛfa nweekɔ nsɔ nkyakaa nii- ekpoo ɛna.

19 Sekpoo se simuu niale ni olebatatɛ, Aron banantii sele labla lefosi-etiɛ, di babɔkɛɛ lɛma sɛfa nweekɔ nsɔ nkyakaa nii.

20 Baata Kohat batii nfaabi be niale ni Lewi batii sekpoo di Efraim kɔna kamɛ:

21 Di Efriam lekpenkpe kale, baata ma Sekem (katanikokɔ okpoo diɛta ni otii wɔ nielo ni otii), Geser, 22 Kibsaim ku Bet Horon, di babɔkɛɛ lɛma sɛfa nweekɔ nsɔ nkyakaa nii- ekpoo ɛna.

23 Di Dan kɔna kafɔɔ kamɛ baafũ Elteke, Gibeton, 24 Ayalon ku Gat Rimon, di babɔkɛɛ lɛma sɛfa nweekɔ nsɔ nkyakaa nii- ekpoo ɛna.

25 Di Manase kɔna-kakyɛ nwu yi, baafũ Taanak ku Gat Rimon, di babɔkɛɛ lɛma sɛfa nweekɔ nsɔ nkyakaa nii- ekpoo ɛnyɔ.

26 Baayɔ ekpoo lefosi se mmle emuu ku babɔkɛɛ lɛma sɛfa nweekɔ nsɔ nwu baata Kohat batii nfaabi bule.

27 Baata Lewi batii nfaabi be niale ni Gerson batii:

di Manase kɔna-kakyɛ nwu kamɛ,

Golan di Basan, (katanikokɔ okpoo diɛta ni otii wɔ nielo ni otii) ku Be Estara, di babɔkɛɛ lɛma sɛfa nweekɔ nsɔ nkyakaa nii- ekpoo ɛnyɔ;

28 di Isakar kɔna kamɛ,

Kision, Daberat, 29 Yarmut ku En Ganim, di babɔkɛɛ lɛma sɛfa nweekɔ nsɔ nkyakaa nii- ekpoo ɛna;

30 di Aser kɔna kamɛ,

Misal, Abdon, 31 Helkat ku Rehob, di babɔkɛɛ lɛma sɛfa nweekɔ nsɔ nkyakaa nii- ekpoo ɛna. 32 Di Naftali kɔna kamɛ

Kedes di Galilea (katanikokɔ okpoo diɛta ni otii wɔ nielo ni otii), Hamot Dor ku Kartan di babɔkɛɛ lɛma sɛfa nweekɔ nsɔ nkyakaa nii-ekpoo etiɛ.

33 Gerson batii sekpoo nfaabi mmuu labla lefosi-etiɛ, di babɔkɛɛ lɛma sɛfa nweekɔ nsɔ nkyakaa nii.

34 Merari batii nfaabi (Lewi batii bule nwu) baata ma:

di Sebulon kɔna kamɛ,

Yokneam ku Karta, 35 Dimna ku Nahalal, di babɔkɛɛ lɛma sɛfa nweekɔ nsɔ nkyakaa nii- ekpoo ɛna;

36 di Ruben kamɛ,

Beser, Yahas, 37 Kedemot ku Mefaat, di babɔkɛɛ lɛma sɛfa nweekɔ nsɔ nkyakaa nii- ekpoo ɛna;

38 di Gad kɔna kamɛ,

Ramot di Gilead (katanikokɔ okpoo diɛta ni otii wɔ nielo ni otii), Mahanaim, 39 Hesbon ku Yaser, di babɔkɛɛ lɛma sɛfa nweekɔ nsɔ nkyakaa nii- emuu labla ekpoo ɛna.

40 Sekpoo se simuu baata ni Merari batii nfaabi, mba niale ni Lewi batii bule labla lefosi-ɛnyɔ.

41 Lewi batii sekpoo di Israel batii kasɔ suoto simuu labla afosi-ana-ɛnɛ, di babɔkɛɛ lɛma sɛfa nweekɔ nsɔ nkyakaa nii. 42 Ekpoo be mmle obiala lawɛ babɔkɛɛ sɛfa nweekɔ nsɔ be niɛmana sĩ siakyi nii; nwaako diale diata sekpoo se mmle simuu.

43 Nioso SAATE nwu lata Israel omuu kasɔ ka aaka ntam aata ni bawa lɛma, ninfɛ baayɔ ka, baasiɛ ninfa nɛ. 44 SAATE nwu lata ma atoko ɔkyɛ ole di ɔfankyi biala, fɛ mmle aaka ntam aata ni bawa lɛma. Balo lɛma kuonwii ditafuo ma oyilako; SAATE nwu layɔ balo lɛma bamuu aakpee ma ninnɛɛ. 45 SAATE nwu ntam biene be mmuu aaka aata ni Israel leyo, kunwii ditasĩ kutawa ni kaanya; obiala lawa kaanya.