1 Atrebi owii nwu nyɔɔfa lawa diata Simeon kɔna, di kafaabi, kafaabi kanya. Atesaa lɛma nte di Yuda kasɔ kamɛ. 2 Mba ninsi ni kaamɛ ninle:

Beerseba (ee Siba), Molada, 3 Hasar Sual, Bala, Esem, 4 Eltolad, Betul, Horma, 5 Siklag, Bet Markabot, Hasar Susa, 6 Bet Lebaot ku Saruhen- ekpoo lefosi-etiɛ ku sekpooenyii lɛma.

7 Ain, Rimon, Eter ku Asan- ekpoo ɛna ku sekpooenyii lɛma- 8 ku sekpooenyii nwu emuu di ekpoo be mmle sɛlɔɔkɔ siɛlaadu ni Baalat Beer (Ramat di Kala-Kasɔ).

Nle mmle niale Simeon batii kɔna atesaa di kafaabi, kafaabi kanya nɛ. 9 Baadiki Simeon batii atesaa nwu baakyeko Yuda ale kamɛ, diekye Yuda kalekɔ lapɔ kaalenkee nka boomiɛ nii. Nioso Simeon batii lafũ atesaa lɛma di Yuda kasɔ kamɛ.

10 Atrebi owii nwu tiɛfa lawa diata Sebulon di kafaabi, kafaabi kanya:

Atesaa lɛma kɔmɛ laladu bia Sarid. 11 Kuafe di kufĩ-kamɛɛkɔ kualaadu Marala, kuakaa di Dabeset, ni kualaadu kɔwɛ ko niɛtɛɛtɛɛ ni Yokneam nɛ. 12 Kɔmɛ nwu lamunikĩi kuadie di kufĩ-katunkɔ di Sarid kuakyɔɔ anu kufĩ-katunkɔ kuasifi Kislot Tabor kasɔ, kualaafe di Daberat kuakata kualaadu Yafia. 13 Ninfɛ kuakple kuafe di kufĩ-katunkɔ lɛkyɛ kuasifi Gat Hefer ku Et Kasin; kuabadie di Rimon kuakyɔɔ anu Nea. 14 Nfa di kɔmɛ nwu lakyɛ kuakyi di katoo-kasɔ nwu kuabadu Hanaton, ni kuayɛntɛ di Yifa El Ɔtaata nɛ. 15 Sekpoo se niakyakaa ni niale Katat, Nahalal, Simron, Yidala ku Betlehem. Siabla ekpoo lefosi-ɛnyɔ ku sekpooenyii lɛma.

16 Ekpoo ku sekpooenyii lɛma se mmle niale Sebulon atesaa di kafaabi, kafaabi kanya nɛ.

17 Atrebi owii nwu naafa lawa diata Isakar di kafaabi, kafaabi kanya. 18 Sekpoo se mmle nkyakaa di kasɔ lɛma kamɛ:

Yesreel, Kesulot, Sunem, 19 Hafraim, Sihon, Anaharat, 20 Rabit, Kision, Abes, 21 Remet, En Ganim, En Hada ku Bet Pases. 22 Kɔmɛ nwu lakaa di Tabor, Sahasima ku Bet Semes, ni kuayɛntɛ di Yordan nɛ. Siabla ekpoo lefosi-ekuɔ ku sekpooenyii lɛma.

23 Ekpoo ku sekpooenyii lɛma se mmle niale Isakar kɔna atesaa di kafaabi, kafaabi kanya nɛ.

24 Atrebi owii nwu nɔɔnle lawa diata Aser di kafaabi, kafaabi kanya. 25 Sekpoo se mmle nkyakaa di kasɔ lɛma kamɛ:

Helkat, Hali, Beten, Aksaf, 26 Alamelek, Amad ku Misal. Di kufĩ kamɛɛkɔ, kɔmɛ nwu lakaa di Karmel ku Sihor Libnat. 27 Ninfɛ kuamunikĩi di kufĩ katunkɔ kuakyɔɔ Bet Dagon anu, kuakaa di Sebulon ku Yifta El Ɔtaata, kuafe katoo-kasɔ kualaadu Bet Emek ku Neiel, kuafe di Kabul di ɔmɛntukyɛ. 28 Kuasifi Ebron, Rehob, Hamon ku Kana kualaadie bia Sidon Kplɛ. 29 Kɔmɛ nwu nfɛ lakple nkpaamaa kuakyɔɔ anu Rama, kuafe kuasifi Tiro okpoo wɔ baatofo oyoyiɛ baakyisa ni, kuamunikĩi kuakyɔɔ anu Hosa, ni kuabadie di lekpo di Aksib kasɔ suoto nɛ, 30 Uma, Afek ku Rehob. Diabla ekpoo afosi-anyɔ-ɛnyɔ ku sekpooenyii lɛma.

31 Sekpoo ku sekpooenyii lɛma se mmle niale Aser kɔna atesaa di kafaabi, kafaabi kanya nɛ.

32 Atrebi owii nwu kuɔnle lawa diata Naftali di kafaabi, kafaabi kanya.

33 Kɔmɛ lɛma ladie di Helef ku kowoso kplɛ nwu Saanaim, kuafe di Adami Nekeb ku Yabneel kuasifi Lakum, kuayɛntɛ di Yordan. 34 Kɔmɛ nwu ladie di kufĩ-kamɛɛkɔ kuafe di Asnot Tabor kuabadie di Hukok. Kuakaa di Sebulon di kala-kasɔ, Aser di kufĩ-kamɛɛkɔ ku Yordan di kufĩ-katunkɔ. 35 Sekpoo se baatofo seyoyiɛ baakyisa ni niale, Sidim, Ser, Hamat, Rakat, Kineret, 36 Adama, Rama, Hasor, 37 Kedes, Edrei, En Hasor, 38 Yiron, Migdal El, Horem, Bet Anat ku Bet Semes. Diabla ekpoo lefosi-ɛnaasĩ ku sekpooenyii lɛma.

39 Ekpoo ku sekpooenyii lɛma se mmle niale Naftali kɔna atesaa di kafaabi, kafaabi kanya nɛ.

40 Atrebi owii nwu kuɛnsinle lawa diata Dan kɔna di kafaabi, kafaabi kanya. 41 Sekpoo se mmle nkyakaa di kasɔ lɛma kamɛ:

Sora, Estaol, Ir Semes, 42 Saalabin, Ayalon, Yitla, 43 Elon, Timna, Ekron, 44 Elteke, Gibeton, Baalat, 45 Yehud, Bene Berak, Gat Rimon, 46 Me Yarkon ku Rakon ku lɛba le niɛkyɔɔ ni Yafo anu.

47 (Kafɔɔ Dan batii lanya dibuo di kasɔ lɛma nwu ɔyɔ suoto, nioso baakata baakyɛ baalaakpɛko Lesem, baafũ nwu, baalo ma ku kapamii, baayɔ nwu baabla ole ma. Baasiɛ di Lesem, ni baatika nwu bawa lɛma leyooto alɛ Dan nɛ.)

48 Ekpoo ku sekpooenyii lɛma se mmle niale Dan kɔna atesaa di kafaabi, kafaabi kanya nɛ.

49 Obe wɔ baaloo ni kasɔ nwu ɔsɛ di nlekɔ nimi kanya, ni di Israel batii lata Nun obisuɔtɔbi Yosua atesaa di kamɛ lɛma, 50 fɛ mmle di SAATE nwu labuɛ ni nɛ. Baatɔɔ okpoo wɔ aakaalɛ nii- Timnat Sera di Efraim kale lekpenkpe osi. Ni aabudi okpoo ninfa aasiɛ nɛ.

51 Mmi ninle nsɔ be di oletatɛ Eleasar ku Nun obisuɔtɔbi Yosua ku nfaabi nwu ana banɔɔfo di Israel lawii atrebi baasɛ ni di Silo, di SAATE nwu anu di Lɛkpaayo le Mansi kayoko nɛ. Nioso baaloo kasɔ nwu ɔsɛ.