YOSUA 16

Kasɔ Ka Baata Ni Efraim Ku Manase Di Kufĩ Kamɛɛkɔ

1 Kasɔ ka baata ni Yosef lakye kasɔ di Yordan di Yeriko ɔlɔɔkɔ, di Yeriko okle kufĩ katunkɔ, kaakata ninfa kaafe di ɔfaafuu kaabuo di Betel kale lekpenkpe nwu. 2 Kaakple kaadie di Betel (ninle ni Lus), kaataale kaafe di Arki batii kasɔ di Atarot, 3 kaasoo di kufĩ kamɛɛkɔ lɛkyɛ kaafe di Yaflet batii kasɔ kaalaadu bia Kala Bet Horon kasɔ kaafe kafɔɔ kaalaadu Geser, kaayɛntɛ di lekpo.

4 Nioso Yosef banantii, Manase ku Efraim lafũ atesaa lɛma.

5 Nnya nka mmle niale ni Efraim kasɔ di kafaabi, kafaabi kanya:

Atesaa lɛma kɔmɛ ladie di Atarot Adar di kufĩ katunkɔ kualaadu Katoo Bet Horon 6 kuakple kualaadu lekpo. Kɔmɛ nwu ladie di Mikmetat di katoo-kasɔ, kuakɛ di kufĩ katunkɔ lɛkyɛ kuasifi Tanat Silo, kuafe ninwu ɔlɔɔkɔ kuasifi Yanoa di kufĩ katunkɔ. 7 Ninfɛ kuasoo kuakye Yanoa kuasifi Atarot ku Naara, kuakaa di Yeriko, ni kuabadie di Yordan nɛ. 8 Kɔmɛ nwu ladie di Tapua kuafe di kufĩ-kamɛɛkɔ kuasifi Kana Kɔwɛ, ni kualaayɛntɛ di lekpo nɛ. Nka mmle niale Efraim batii kɔna atesaa di kafaabi, kafaabi kanya nɛ. 9 Sekpoo ku sekpooenyii lɛma simuu se baadiki baatɛ baata ni Efraim batii di Manase batii atesaa kamɛ kafɔɔ lasiɛ kaamɛ.

10 Kafɔɔ Efraim batii ditatososa Kanaan batii ba ninsi ni di Geser; diɛbase bia miɛ wɔ mmle, Kanaan batii nsi bakpɔtɔɔ di Efraim batii kamɛ. Kafɔɔ Efraim batii konyinka ma mambla sɛkpɛ siene.