1 A ca ta̱ ugundo wa Yahuza akunda e iɗa umatsun umatsun. Utyo'o u saɓa ta̱ a̱ tyo Edom nu upasu wu uyagi, a̱ tyo a̱tsumona a̱ Zin ɗe o ukosu wu uyagi.

2 Utyo wi iɗa u le nu upasu wu uyagi u fara ta̱ diga o ukosu u Mala ma Akpaɗi za na a̱ ka̱lyuwusa̱ uyagi. 3 Utyo'o u uwulai ta̱ nu uyagi a gawan nu ure wa Akarabim, a̱vu u lyuwa elime a̱ tyo a̱tsumona a̱ Zin, a̱vu u ka̱ra̱ a̱ tyo uyagi na̱ Kadesh Baniya. Reve u ka̱ra̱ upasalai wa̱ Hezuron, reve u saɓa a̱ tyo Ada, reve waru u vadala a̱ tyo Karaka. 4 U ka̱ra̱ ta̱ a̱ tyo Azumon, a̱vu u ɓoluloi nu Uɗolu wa Masar, reve u koso a̱ tyo a Mala ma Gbain. A̱yi nda a̱yi ɗa utyo wu uyagi u le.

5 Utyo wa asana gba a̱yi ɗa Mala ma Akpaɗi a̱ tyo uba̱ta̱ u na Uɗolu wa̱ Urudu wa̱a̱ zurusu yi.

Utyo wu ugana waru u fara ta̱ diga o una̱ u mala'a a̱ tyo uba̱ta̱ u na Uɗolu wa̱ Urudu u zurusu yi. 6 Reve u ka̱ra̱ a̱ tyo Bet Hogla, reve u ka̱ra̱ ugana wa Bet Araba a̱ tyo a Aatali a Bohan ulobo wa̱ Roben. 7 Utyo'o u ka̱ra̱ ta̱ a̱ tyo Debi diga o Uka̱ri wa Ako a̱vu u vadala ugana a̱ tyo Gilga, za na ri a̱ nka̱la̱la̱i a gawan nu ure wa Adumim nu uyagi wu uka̱ri'i. Reve u lyuwa elime u ka̱ra̱ a̱ tyo a̱ mini ma En Shemesh, reve waru wu uta̱ En Roge. 8 Reve u ka̱ra̱ a̱ tyo o Uka̱ri wa Ben Hinom uzuru wu uyagi u lyuci va aza a Jebusiya, za na a̱yi ɗa Urishelima. Diga lo a̱vu u kuru nu Uka̱ri wa Hinom, a̱vu wu utula̱i nu upasu wa̱ a̱livu zuva va aagaɗi o ukosu wu ugana wu Uka̱ri wa aza a Refaya. 9 Diga zuva va aagaɗi utyo'o u saɓa ta̱ a̱ tyo a̱ lyusu mini va Nefitowa. Reve wu utula̱i ni ilyuci i Masasan ma Efuron, a̱vu u ka̱ra̱ a̱ cipa̱ Ba'ala, za na a̱yi ɗa Kiriyat Jeyarim. 10 Reve u ka̱nda̱ruwa̱ na̱ a̱livu a Ba'ala a̱ tyo a Masasan ma̱ Seyi, reve u kuru a̱ tyo ugana nu uzuru u Masasan ma Jeyarim, za na a̱yi ɗa Kesalon, reve u lyuwa elime a̱ tyo Bet Shemesh, a̱vu waru u ka̱ra̱ a̱ tyo Timna. 11 Reve u ka̱ra̱ a̱ tyo o uzuru wu ugana wa Ekuron, reve u vadala a̱ tyo Shikeron, reve u ka̱ra̱ a̱ nge'en m Masasan ma Ba'ala, a̱vu u rawa a̱ lyuci va Jabuneye. Utyo'o u koso ta̱ a Mala ma Gbain.

12 Utyo u le wa̱ a̱livu a̱yi ɗa a̱ nge'en m Mala ma Gbain.

A̱yi nda a̱yi ɗa utyo u na u ka̱nda̱ruwa̱i ugundo wa Yahuza umatsun umatsun.

13 Cine A̱sulazuva a dammai Josuwa, Josuwa ca ta̱ Keleb ulobo wa̱ Jefune akunda a̱ yi a̱tsuma̱ o ugundo wa Yahuda. U ca yi ta̱ Kiriyat Arba, za na a̱yi ɗa Heburon. Arba gba a̱yi ɗa akaya a Anaku. 14 Diga Heburon Keleb gba̱ra̱ ta̱ gundo ta'atsu va aza a Anaku, Sheshai na̱ Ahiman na̱ Talmai. 15 Diga ɗe u 'ya̱wa̱ ta̱ uvon na ama a na a̱ ri na̱ nden Debi, za na a̱ shi a̱ tsu ɗe Kiriyat Sefa ɗe nu ufaru. 16 Reve Keleb damma, <<N ta ca vuma na suru riya̱yi Kiriyat Sefa nu uvon, a̱vu u lyuwa yi lolo vu usheli u va̱ Akasa.>> 17 A̱vu Otiniye ulobo wu zawa'a va Keleb za na a̱ tsu ɗe Kena u lyuwa lyuci'i nu uvon, ɗaɗa Keleb ca niyi usheli wa̱ yi Akasa u zuwai.

18 Urana u ro ana Akisa ta̱wa̱i uba̱ta̱ wa Otiniye, a̱vu Otiniye kushanu yi u pati dada va̱ yi atsusa. Ana u cipa̱i o mololi ma̱ yi, a̱vu Keleb ece yi, <<Nye vu cigai n yuwaan wu?>>

19 Reve u usu, <<Yuwaan mu isa'ani. Ana vu ca numu iɗa a̱tsuma̱ a̱ Nege, n ciga ta̱ waru vu ca mu esu a̱ mini.>> Reve Keleb ca yi esu a̱ mini za na ri gon na̱ za va̱ za̱la̱.

20 A̱yi nda a̱yi ɗa agadu o ugundo wa Yahuza, umatsun umatsun.

21 Ilyuci yu ugundo wa Yahuza i na i ri ɗe o ukosu wu uyagi a̱tsuma̱ o upasu wa̱ Nege a cina utyo wa̱ Edom ele ɗa: Kabuzeye na̱ Eda na̱ Jagu 22 na̱ Kina na̱ Dimona na̱ Adada 23 na̱ Kedesh na̱ Hazo na̱ Itunan 24 na̱ Zif na̱ Telem na̱ Beyalo 25 na̱ Hazo Hadata na̱ Keriyot Hezuron za na a̱yi ɗa Hazo 26 na̱ Amam na̱ Shema na̱ Molada 27 na̱ Haza Gada na̱ Heshimon na̱ Bet Pele 28 na̱ Haza Shuwa na̱ Biyasheba na̱ Biziyotiya 29 na̱ Ba'ala na̱ Iyim na̱ Ezem 30 na̱ Elutola na̱ Kesi na̱ Homa 31 na̱ Ziklag na̱ Madamana na̱ Sansana 32 na̱ Lebayo na̱ Shilhim na̱ Ayin na̱ Rimon. Suru suru a̱bunda̱ e ilyuci i le na̱ mulyuci n le ushin na̱ kucci ɗa.

33 Ilyuci yi iɗa i mugaɗi ele ɗa: Eshitawo na̱ Zora na̱ Ashana 34 na̱ Zanowa na̱ En Ganim na̱ Tapuwa na̱ Enam 35 na̱ Jamu na̱ Adulam na̱ Soko na̱ Azeka 36 na̱ Sha'arayim na̱ Aditayim na̱ Gedera na̱ Gederotayim. A̱bunda̱ e ilyuci i le na̱ mulyuci n le kupa na̱ a̱za̱ a̱ na̱shi a ɗa.

37 Waru oɓolo na̱ Zenan na̱ Hadasha na̱ Migidal Gadu 38 na̱ Dileyan na̱ Mizfa na̱ Yokuteye 39 na̱ Lakish na̱ Bozuka na̱ Egilon 40 na̱ Kabon na̱ Lamam na̱ Kitilish 41 na̱ Gedero na̱ Bet Dagon na̱ Na'ama na̱ Makeda. A̱bunda̱ e ilyuci i le na̱ mulyuci n le kupa na̱ a̱za̱ a̱ ta̱li a ɗa.

42 Waru oɓolo na̱ Libina na̱ Eta na̱ Ashan 43 na̱ Ifuta na̱ Ashina na̱ Nezi 44 na̱ Kayila na̱ Akizibi na̱ Maresha. A̱bunda̱ e ilyuci i le na̱ mulyuci n le kuci ɗa.

45 Utyo wi iɗa wu ugundo wa Yahuza waru u ɓolo ta̱ na̱ Ekuron ni ilyuci i na i ka̱nda̱ruwa̱ niyi na̱ mulyuci ma̱ yi, 46 na̱ a̱livu a Ekuron ni ilyuci i na i ri zuzu na̱ Ashido suru, oɓolo na̱ mulyuci n le. 47 A ca le ta̱ waru lyuci va Ashido ni ilyuci i na i ka̱nda̱ruwa̱ niyi na̱ mulyuci ma̱ yi na̱ Gaza waru ni ilyuci i na i ri uka̱nda̱ruwu na̱ a̱yi na̱ mulyuci ma̱ yi, hali a̱ tyo o Uɗolu wa Masar nu utyo u Mala ma Gbain.

48 Ilyuci yi iɗa ya agaɗi ele ɗa: Shami na̱ Yati na̱ Soko 49 na̱ Dana na̱ Kiriyat Sefa, za na a̱yi ɗa Debi, 50 na̱ Ana na̱ Eshitemowa na̱ Anim 51 na̱ Goshen na̱ Holon na̱ Gilo. A̱bunda̱ e ilyuci i le na̱ mulyuci n le kupa na̱ za ta̱ ɗa.

52 Waru oɓolo na̱ Ara na̱ Ruma na̱ Eshan 53 na̱ Janim na̱ Bet Tapuwa na̱ Afeka 54 na̱ Humta na̱ Kiriyat Arba za na a̱yi ɗa Heburon, na̱ Ziyo. A̱bunda̱ e ilyuci i le na̱ mulyuci n le kuci ɗa.

55 Waru oɓolo na̱ Mawon na̱ Kame na̱ Zif na̱ Juta 56 na̱ Yezireyel na̱ Jokudeyam na̱ Zanowa 57 na̱ Kayin na̱ Gibiya na̱ Timna. A̱bunda̱ e ilyuci i le na̱ mulyuci n le kupa ɗa.

58 Waru oɓolo na̱ Haluhu na̱ Bet Zur na̱ Gedo 59 na̱ Ma'ara na̱ Bet Ano na̱ Eletekon. A̱bunda̱ e ilyuci i le na̱ mulyuci n le a̱za̱ a̱ ta̱li a ɗa.

60 Waru oɓolo na̱ Kiriyat Ba'al za na a̱yi ɗa Kiriyat Jeyarim, na̱ Raba. A̱bunda̱ e ilyuci i le na̱ mulyuci n le ejere a ɗa.

61 Ilyuci i na i ri a̱tsumona ele ɗa: Bet Araba na̱ Midin na̱ Sekaka 62 na̱ Nibushan na̱ Lyuci Gbain va Akpaɗi na̱ En Gedi. A̱bunda̱ e ilyuci i le na̱ mulyuci n le a̱za̱ a̱ ta̱li a ɗa.

63 Agba aza a Yahuza a gura gba̱ra̱ aza a Jebusiya a na a̱ ri na̱ nden Urishelima shi. Hali na ana'an aza a Jebusiya a̱ ta̱ pe nden Urishelima oɓolo na ama a Yahuza.