1 Utyo wu uyagi wa akunda e iɗa i na cayi limatan va̱ Isuhu u fara ta̱ diga o Uɗolu wa̱ Urudu asana na̱ esu a̱ mini ma̱ Jeriko, reve u saɓa a gawan diga lo a̱ tyo a̱tsumona, reve u kuru a̱ tyo upasu wi iɗa ya agaɗi ya Betel. 2 Reve wu uta̱ diga Betel a̱ tyo Luz, upasalai wi iɗa wa aza a Arki a̱tsuma̱ a Ataro. 3 Reve u za̱nluwa̱ a̱ tyo na̱ a̱livu a̱ tyo o utyo wa aza a Jafileti, hali a̱ tyo o utyo wa Bet Horon va̱ Za̱la̱ na a rawa Geza, reve u koso a Mala ma Gbain. 4 Reve Manase na̱ Ifiramu, limatan va̱ Isuhu, a̱ ushi upasu wi iɗa i nda agadu e le.

5 A̱yi nda a̱yi ɗa upasu wu ugundo wa Ifiramu, umatsun umatsun.

Utyo u le wa agadu u fara ta̱ diga Atarot Ada a̱ tyo asana, diga lo ɗa u kuruyi a̱ tyo Bet Horon vo Gon. 6 Reve u kuru a̱ tyo a Mala ma Gbain. Diga Mikimeta upasu wu ugana, u vadaluwa ta̱ a̱ tyo asana, reve u ka̱nda̱ruwa̱ a̱ tyo Ta'anat Shilo, reve u konzo na asana wu utula̱i na̱ Janowa. 7 Diga Janowa reve u za̱nluwa̱ a̱ tyo Ataro na̱ Na'ara, reve u ɓoluloi na̱ Jeriko, reve u koso o Uɗolu wa̱ Urudu. 8 Diga Tapuwa utyo'o u kuru ta̱ a̱ tyo a̱livu nu Uyene wa Kana, reve u koso a Mala ma Gbain. A̱yi nda a̱ yi ɗa agadu o ugundo wa Ifiramu, umatsun umatsun. 9 Waru o ɓolo ta̱ ni ilyuci na̱ mulyuci n le suru n na a zuwai a̱ nge'en adama o ugundo wa Ifiramu diga a̱tsuma̱ a akunda a agadu o ugundo wa Manase. 10 Agba a̱ gba̱ra̱ aza a Ka'ana a na a̱ ri nden ne ele a̱tsuma̱ a Geza shi. Hali na ana'an aza a Ka'ana a̱ ta̱ pe nden oɓolo na ama a Ifiramu, amma a zuwa le ta̱ a yuwusan ulinga u tsugbashi nu ucira.