ವಿಮೋಚನಕಾಂಡ 10

ಚಿಡ್ಡೊ

1 ಅನಕೇಡೆಥು ಯೆಹೋವನೆ ಮೋಶೆನ ಅಮ್‌ಬೋಲ್ಯೊ ಫರೋಹಕನ ಪಾಛೊ಼ ಜಾ಼ .ಮೇ ಫರೋಹನ ಅಜು಼ ಇನ ಅದಿಕಾರಿವ್ನ ಖ್ಹಾಮ್ಣೆ ಆ ಅದ್ಭುತ್‌ಕಾಮ್ನ ಚ಼ಲಾವನಖ್ಹಾಜೆ ಕಾರಣ್ ಉಷೆ. 2 ಇಸ್ರಾಯೇಲ್‌ವಾಳು ಇನ ಲಡ್ಕಾವ್‌ನಾಬಿ ನಾತಿಪೋತಿನಾಬಿ ಈಜಿಪ್ಟ್‌ವಾಳನಿ ಬೀಚ್ಮ ಚ಼ಲೈರಾಖ್ಯೊತೆ ಆ ಅದ್ಭುತ್‌ಕಾಮ್ನ ಬೋಲಿವತಾಳನಖ್ಹಾಜೆ ಯೆಹೋವ ಹುಯಿರೋತೆ ಮೇ ಈಜಿಪ್ಟ್‌ವಾಳನ ಮನ್ಮ ಹುವಾಸ್ತೆ ತಿಮ್‌ ನಿಶತ್ ದಿದೊ. ಅನೇಥಿ ಮೇಸ್ ಯೆಹೋವಕರಿ ಮಾಲುಮ್ ಕರಿಲಿಶು" ಕರಿ ಬೊಲ್ಯೊ.