Êxodo 12

ಪಹಿಲಿ ಪಸ್ಕ ಪೂಜ಼

21 ತದೆ ಮೋಶೆ ಇಸ್ರಾಯೇಲ್ನ ಶಾಣಾವ್ನ ಬುಲೈನ್ ಇವ್ಣುನ, "ತುಮೆ ತುಮಾರ ಕುಟುಂಬ್‌ನಖ್ಹಾಜೆ ಮಂಧಾತು ಚೆಲ್ಕಾನ ಚೂ಼ಣಿಲಿನ್ ಪಸ್ಕ ಪೂಜಾ಼ನ ವ್ಹಾಡೊ. 22 ಹಿಸ್ಸೋಪ್ ಝಾ಼ಡಾನಿ ಕಟ್ಟೀನ ಲೀನ್ ಕಟೋರಮಾನು ಲ್ಹೋಯಿಮ ಇನ ಡುಬೈನ್ ಬಾಕಲ್ನ ಉಪ್ಲಿ ಆಡಿ ಪಟ್ಟೀನಬಿ, ಇನ ಭೀಡೆನ ಭೇ ಬಾಕಲ್ನ ಪಟ್ಟಿನಾಬಿ ಲಗಾಡ್‌ಣು. ಇನಕೇಡೆಥು ತುಮಾರಮ ಏಕ್‌ಜ಼ಣುಬಿ ವ್ಹಾಣು ಹುವಾಲಗು ಘರ್‌ನ ಬಾಕಲ್ ಮ್ಹೇಲಿನ್ ಭಾರ್ ನಾಜಾ಼ವ್ಣು. 23 ಯೆಹೋವ ಈಜಿಪ್ಟ್‌ವಾಳನ ಮಾರಿನಾಖನಖ್ಹಾಜೆ ದೇಖ್ಹ್‌ಮಾಕರಿ ಚಾ಼ಲಿಜಾಶೆ. ತದೆ ತುಮಾರು-ತುಮಾರು ಘರ್‌ನ ಬಾಕಲ್‌ನಿ ಉಪ್ಲಿ ಪಟ್ಟಿಮಾಬಿ ಭೇ ಚೌಕಟ್ನ ಪಟ್ಟಿಮಾಬಿ ಯೊ ಲ್ಹೋಯಿನ ದೇಖಿನ್ ಅಗ್ಗಳ್ ಉಲಾಂಗಿನ್ ಜಾಷೆ. ತುಮಾರ ಜಾನ್ನ ಕಾಡವಾಳೊ ಮರಣ್ಣೊದೂತ ತುಮಾರ ಘರ್‌ಮ ಆವ್‌ಶೇಸ್ ಕೊಯ್ನಿ.