Lucas 1

11 Oyoleho ka Adole bose danu kweyi hagye abore ko okpe koza kpehe. 12 Ishini Ozakariya yiyi shoni, otu nu gbo, oshi yokwu. 13 Oyoleho ke kadanu mo, <<Ka yoshi lo Ozakariya, Owuso pwinarigwu wo. Onya wo Elizabe ya moyi nongo, oya tiye mo Oyohana. 14 Oya wo otunehe kpo otushosha dawo, kweyi ase nwashika ba shotunehe kpo omoma nu. 15 Oya wase nyakwu ebe ka Adole. Oyawa gwinyi ni ya yase ni lo. Omaku ko Owuso yayo kpanu bwipu kinanu. 16 Oyawa kwikye ayi ki Izrayila nwashika gebe ka Adole Owuso wa. 17 Kweyi oyawa yawu obutu ka Adole ipu ko Omaku kpo oshu kinobane Iliya, oya pyotu kawada gebe kayi wa oki ya pyotu kawase ni lagbiti ni gebe ko ziyi kawase neshi, ko kyasuse tu da Adole.>>