12 Aree yꞌaab, idadiswa iwawinwa tehadꞌaayeeti kwirsi suurii gadee rhan. Aree nagal kitab rhan. Kitaab weer nagaalu, aree baruuh umidhhani kitaab ikati. Uudehay yꞌaya gaalka toona tidꞌiyaab iiktiineet dehaay haakamamiyaan, uktaabiib kataab ishagaayoohna imriin. 13 Uubhar oodehay yꞌayaab yhooy iifiin asti igid. Tuuyatwa yꞌayaaneet duniyaawwa han oodehay yꞌayaab yhooy iifiin asti igidna. Aree gaalka toona tidꞌiyaab iiktiineet dehaay haakamamiyaan.