1 Aan baraah Yasuuꞌa Umasiihi Daawidi oor, Ibraahiimi oor ikatiina:

2 Ibraahiim Isehaag ifri,

Isehaag Yaaguub ifri,

Yaaguub Yahuudaabwa isanaawwa ifri,

3 Yahuuda Faaraswa Saarahaawwa tuundi Taamaar tiiktiyeeb ifri.

Faaras Hasruun ifri,

Hasruun Raam ifri,

4 Raam Amiinadaab ifri,

Amiinadaab Naahshuun ifri,

Naahshuun Salmoon ifri,

5 Salmoon Booꞌaas tuundi Raahab tiiktiyeeb ifri,

Booꞌaas Oobeed tuundi Raaꞌuut tiiktiyeeb ifri,

Oobeed Yassiib ifri,

6 aree Yassi whadꞌa Daawid ifri.

Daawid Suleemaan tuundi Uuriyaay takat tiiktiyeeb ifri,

7 Suleemaan Rahabꞌaam ifri,

Rahabꞌaam Abiiyaab ifri,

Abiiya Aasaab ifri,

8 Aasa Yahooshaafaat ifri,

Yahooshaafaat Yahooraam ifri.

Yahooraam Ussiyaab ifri,

9 Ussiya Yootaam ifri,

Yootaam Aahaas ifri,

Aahaas Hasagiyaab ifri,

10 Hasagiya Manassaab ifri,

Manassa Aamoon ifri,

Aamoon Yooshiyaab ifri,

11 aree Yooshiya Baabilyooneeb hasiibiib iiktiyi door Yakooniyaawwa isanaawwa ifri.

12 Baabilyooneeb hasiibiib iiktiyeenaay harꞌii:

Yakooniya Shaꞌaltiiꞌeel ifri,

aree Shaꞌaltiiꞌeel Saruubaabil ifri.

13 Saruubaabil Abiiyahuud ifri,

Abiiyahuud Alyaagiim ifri,

Alyaagiim Aasoor ifri,

14 Aasoor Saaduug ifri,

Saaduug Akiim ifri,

Akiim Alyuud ifri,

15 Alyuud Alꞌasaar ifri,

Alꞌasaar Mattaan ifri,

Mattaan Yaaguub ifri,

16 aree Yaaguub Yuusif ifri,

Yuusif Maryami taku, Yasuuꞌa Umasiih ittiyoodi batiiyooh itfari.

17 Ibraahiimii Daawid ookiik tamna fadhig taas iiktiina, Daawidii Baabilyooni whasiibamti ookiik aree tamna fadhig taas iiktiin. Whasiibamtii Umasiih ookiik han tamna fadhig taas iiktiin.

18 Tuun tuuna Umasiih Yasuuꞌa kak ifirayeeb sootni: tuundi Maryam Yuusif tiidꞌari jillaay daasamta. Laakiin baraah taktak baakatiim, batuuh Eeshuuk Imugaddasaayee oor ifaar tiideet toona tikan. 19 Yuusif utakuuh shibu takuuyt, batooh oodehayi suurii isiisikwꞌeet toona hariwaab kiiki, kwibistiit fadag niyaami.

20 Baruuh toon imkireenaay harꞌii, Wꞌankwanaay malak hawsooteeb bariiyooh dehaay lawiyaayt, "Yaa Yuusif Daawidi oor, Maryam takatook tikwasiyeet toona baarakwiya. Batooh Aashuuk Imugaddasa sinakwaaba. 21 Batuuh oor ifaar tindi, aree baruuk wꞌoor Yasuuꞌaab sima. Baruuh udehayooh idanuubeesoohna ishidhhin indi." idi.

22 Wꞌankwana unabi isiisoodeet tuuna kastuuh sidik iikti tindi: 23 "Tꞌaagir nikwiitiit oor ifaar tindi, aree wꞌoor Immaanweel iisim iyadna." diyaabi. Immaanweel "Ukwaasana geeboon eefi." miyaadi.

24 Yuusif ibꞌarihoob, Wꞌankwanaay umalak barooh sooyaneet toona idꞌi, aree Maryam takatooh ikwaasiit oogaw haay ibi. 25 Laakiin batuuh wꞌoor tifriyeeb ookiik batiiyooh geeb diwaab kiiki. Aree barooh Yasuuꞌaab isim.