Lucas 19

Yesu na Sakayo

1 Yesu ingie mwani va Yeliko, akichumba mu ng’asi cha mwani ugo. 2 Mu mwani wula kukali na munu yumwi litawa lyake Sakayo, mkomi va vanyamula usulu na akali agehe na finu fyolofu. 3 Mwene akali ekela kumlola Yesu agehe wuli, ila seawesile kwakuva lipinga lya vanu likali likomi na mwene ali kanduli. 4 Ifyo akanyilile kutalo lya lila lipinga, akang’ie pakyanya lya libiki lya likuyu neke avese kumlola Yesu, kwakuva Yesu akali ichumba mu ng’asi yila. 5 Suwe Yesu peafikile pono pala alolile pakyanya, akamlongie, "Sakayo, ukwike kisatu, kwakuva nditakilwa ndihuwe pakaye lyako."

6 Ifyo Sakayo ekile kisatu, akamwanuke Yesu mukaye lyake kwa lukeduko. 7 Vanu vonda pevalolile ago, vavangile kung’ong’oleka vakilonga, "Ahele kuva mgenji kwa munu munya sambi."

8 Ila Sakayo emile, akamlongie Yesu, "Lole, Mtwa! Nene ndikuvagavila vahangala nusu lya finu fyangu, ngita ndimnyagile munu yeyonda kinu, ndikumuwuyisila mala chitai."

9 Yesu akamlongie, "Neng’uli ukombosi ufikile mukaye iyi, kwa fila uyu nave, ndi ulelo va Ibulahimu 10 Kwakuva Mwana va Munu achile kuvasaka na kuvawokola vanu yevayagile."