LUKA 13

12 Haŋa Yeesu hebu mumona, haya mu taŋana na haya mu sawiila ti: «Yeeya! Wafuudibwa lufu lwoobe.» 13 Yeesu haya mu hibiila mabo’o gaayi hanga haŋa howa yeeye haya talu’a teba hee kilu mu tumbijya Kabejya.*13.13 Lola Mat 5.23

14 Ila mukulu wa yeya sinagogi* haya zingukila Yeesu, manee Yeesu wa fuula mundu lusu lwa Sabato*. Haŋo haya sawiila kyee’a igandu 'ibwa nangi momwa: «Kukiyakananga masu mutubaa woota miambu. Kwabiibi, mumaama masu ni mamukibambana kuviyanga kufudibwa lufu lwiinu, ila ndati lusu lwa Sabato.»**13.14 Lola Mat 12.2; Luka 14.3; Kut 20.9; Malako 5.22

15 Ila, Vidi-nyambi haya mu lunga ti: «Habanyu bandimi yibidi! Ko lusu lwa Sabato* kila yowa hamukidi hiinu hukilekelanga punda ao ŋombe yaaye kunyomoka mu mukumba, na kuyenakuyinywisha meema.*13.15 Lola Luka 14.5 16 Yuugu mwamukazi ngwa kilongo kya Abalahamu ila musimbusimbu we zitika mumisha kumi na mugandaa. Buune ndebambana wazitudibwe lusu lwa Sabato*?»*13.16 Lola Luka 3.8; 19.9; Mat 4.10