Yeesu wa shwadibwa ku lubunga lwa Kabejya
22 Mafuku makukwitosha kwa Malia na Yozefu hamabambana kukidila bebya biki yakula Buta bwa Musa, Yozefu na Malia haba mushwala mwaana ku Yelusalemu, kwaku boya ti bamumoneshe kudi Vidi-nyambi2.22 Lola Walawi 12.2-6. 23 Beeta bebya kumona yidi businyibwe mu buta* bwa Vidi-nyambi ti: «Kila mwaana wa mwamulume kibutuka wabusu muifu dyanajye uhanibwa kwa Vidi-nyambi.»2.23 Lola Kunyomoka 13.2,12. 24 Na lungi habatuula tudilo kukidila bebya biki yakulanga buta ti: «Yiki bambana kutuula tutiti tubidi ao byokela bibidi bya ngudimba2.24 Lola Walawi 12.8.»
Busho dya Simeoni
25 Mumukola wa Yelusalemu kwene mundu yumo wetaanibwanga Simeoni. Yuu Simeoni wene mundu kisumuka buludi busu bwa Kabejya na kumutiina. Wene mukudindila kufuuka kwa kisi kya Isilaeli. Na Tima dya Kabejya dyeene haulu yaye 26 Lungi wene wa mumonesha ti ndakumota itu ndeemona Kilisito wayishibwa na Vidi-nyambi. 27 Simeoni muku moneshebwa na Tima dya Kabejya, bya shwela mulubunga. Bashaye na Yeesu haba shweela naye munda mukuboya ti bamuteele beebya bikiboyanga buta. 28 Simeoni haya shwala mwaana mu biboko byaaye, bya somba kushisha Kabejya mukuboya ti:
29 «Vidi-nyambi wabambanya bindu bya weebadijya,
ukibambana kunguzama miimi muvubi woobe na kwimotele byaami bilweela.
30 Kumona miimi mwinikindu na kwimonena Mufuudi* wa wavisha.
31 wauva biika tonaa, wayakane Mufuudi* busu bwa bandu booso.
32 yowa Mufudi mwiimwi umunukila bisi byooso.
lungi ni yiabila kisi kyobe Isilaeli mbunda.»
33 Maama mauya mavayakula Simeoni uvayakula kukidila Yeesu hamakanyisha ba Shaayi. 34 Ni Simeoni haya bafiiyudila,2.34Ihani simoni haya bahaazyila fiyiguzyi na isehu kyaata haya jyongodela Malia naajye na mwaana ti: «Muteejye bangu: Mwaana yuugu wabutuka uyakana kashu songo kakuzizimisha bandu babule hamukidi haba Isilaeli, na kutalusha babule hamukidi haabo. Uyakana lutondo kunyomokela kudi Kabejya yi bengebwa na bandu babule. 35 Biibi, miejyo ya bandu babule yikifamishibwa yi monekanga. Na bee bunga usubanga bidi yowa wamanikibwa fumu mutima dyaaye.»
Ana washisha Kabejya kukidila Yeesu
36 Ubwanangi ŋangabiloto yumu wa mwaazi,2.36 Lola Kut 15.20 Debola, Amu 4.4 Huluda, 2Fal 22.14, Mdo 21.9 na misi’a ya Filipo. Yeesu wamonesha hululu tii, ba ŋanga bilooto bya Kabezya nda babanumi yega udi babaazi neebo, wetaanibwanga Ana, uvane musi’a wa Fanueli, wa kilongo kwa Asheli. Yowa Ana weta bobo misha muanda ya kutunduka, mulume waaye bya mota. 37 Haya shaala mwadyangu, mupaka misha makumi muanda na yinaa.2.37 Mununu wa micha moomi mu gandaa na yinaa. Wene mukuyakana mukyende kya Kabejya mukumuvubila bufuku na munyinya mukuajya kusidi kudya. 38 Naiye bya sosoka mukyakekee kindi na bya somba kuta abee kudi Kabejya. Wene muku saula musau wa Yeesu kudi bandu booso benange mukudindila bebya bifuula Kabejya bandu ba Yelusalema mukusuba kwaabo.
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)