Lucas 8

Yesuse nfahola latan ta ncicoalca

22 Bahnga na, Yesus i re ni muritna rdawil pelang asa. I nua si, "Mali to bo it lali talaga tae puli pao." Gabe si lali. 23 Orasta si rfalaina, Yesuse namtuli. Rgarayana, latanca nufna ncicoal gabe si riri pelang tasa bakbaka re waya, denabe si bo damduri.

24 Gabe Yesuse ni muritna dolol I gabe duwa I, "Guru, Guru, ite bo tmat tane ya!"

Yesuse npaling gabe nfahola latan fare mumat mamagal tina. Fare, latan re mumat tina nhola, gabe talaga cia ndadi namnin.

25 Gabe Yesuse nua ni muritna, "Pesaga mew ffdela Ya pana?"

Si rdadi damcait fare rherang, gabe rfauwo si, "Smat tae ise ga denabe, I ncula latan fare mumatna gabe latan fare mumatna rderera ta I nunana!"

Yesuse nfaungo setan mali smat isa puli batang Gerasa

26 Yesus I re ni muritna rfalai turus denabe rlafo talaga Galilea puli pao, mali smat Gerasana riri batang.