Lucas 17

Soomakenaa’n Luqqi hiyeeka Tomme Manna

11 Ookkonneechchi uduma Yessuussi Iyyerusaalemi’a me’a’ni Semaariyaxxenna Geliilaxxe gabalabaa’n sa’a’nemman. 12 Mitte olla’i giddi’anna e’ya’neenge’n sooma afe’eek tommi manni isinni afeme. 13 Insa’ne bayyante uurrine hafuura gikki assineexxi «Gootta Yessuusii no’aa marar!» hine. 14 Yessuussinna insa’nee afeexxi «Martineexxi ifi qeesolete’n leellishshe!» hiyye. Insa’nenna ookko’a me’ina’ninni soomakenaa’n luqqi hine.✝17:14 Lew. 14:1-32.

15 Insa’ne giddii’n mitti fayyeexxa ifi uudee wodda gikkichchi hafuurinni Mageno galateeffata’n illee iima hige. 16 Yessuussixxe lekka’n isi edonna gonbisemeexxi isoo galateeffate; kunni manjichchinna Semaarichchokemman. 17 Yessuusinna isoo hiyya’n qoree qici, «Soomake’naa’n luqqi hiyyeemmak tomme mannammabaata? Sallanita haba hedhe? 18 Konne alagi manji gadhi darre illee iima higeexxi Mageno galateeffataak hedhebaan hiyyatebaata?» 19 Ookkonneechchi uduma Yessuussi ookkone manjichcho, «Amana atixxi ate’e fayyisseen, kexxettexxi me’i» hiyye.