Lucas 8

Yessuusi Danbala’a Sammi asseexxa

22 Barra mitte Yessuusi hordofeeyye ifixxenni hobolote’n e’yeexxi insa’ne’e, «Ke’we widi’a foonfo!» hiyye’naa ke’ne me’ine. 23 Me’ate’n he’nee’naanni Yessuusi diiphe; eettene yanna abbaayyati hana jabbaxxi hobonbalte kexxe; wodi’ikinna hobolote’n wo’ma’n dagemmaxxee rakko lumooxxi giddo e’yine.

24 Hordofeeyye isixxinna isibaa shikki hiteexxi, «Goottaa, koo Gootta mundenna» hina’n isoo ke’issite.

Yessuusinna ke’eexxi eettenee diidallotanna wodi’iinka danbala’a xixe; diidallonna danbala’i iikki woddi sammi hiyye. 25 Ookkoneechchi uduma Yessuusi ifixxa hordofeeyye, «Amana ha’nooxxi haba heaxxe?» hiyye.

Yaane kinni insa’ne lumoshsha sodaante mambe’a hiyyat weli weli, «Diidallotanna danbala’a ajajee’naa isi’a diidallotinna danbala’i ajaajema’neek isi kunni ayyete» hine.

Fuggichchi Hafuuri Abideemmake Manjichchixxa Fayya

26 Ookkoneechchi uduma Geliilaxxe Abbaayya wido Gergeesenoon hiyyemaake bogibaa hoboloti foonfe.