Lucas 9

27 Ani dhugaate ha’no’n haaso’aannen, ta’a kaba hedheekiirnaa’n Mageniinxi mootumma daggaa’naa uudaa qico’ni reyabaake mitte mitte manna hedheen.»

Yessuusixxe Dhaggaxxa Jijjiirensha

28 Yessuusi tennee haaso’eexxe saddeetta barra uduma Pheexiroosii’i, Yohaannisiinna Ya’iqoobii’i adhdheexxi soodachchotee mitte kooba hana qabate. 29 Isi soodata’neege’ni bifa isixxi jijjiirende; seemma isixxinna calacalate golalooxxe kadde. 30 Kunnise dedhange’n lami manni dageexxi isinni welti haaso’amman; kunninni manninna Muusenna Eelyaasitemman. 31 Insa’nenna ulfinnikinna leellineexxi Yessuusi Iyyerusaalemi asso’a hexxeexxe yaanexxeenna isixxe tenne buttatenaa’n gargar higatixxe haasona’emman.