42 Wano wose wagendelela kufundigwa na watumigwa wa Yesu na wakala hamwe kama ndugu na waja hamwe na kumpula Mulungu.

43 Watumigwa wa Mulungu wakala wosang'hana vilaguso na miujiza mingi na wanhu wose wakala wokanganya ng'hani na kumwing'ha nhogolwa Mulungu. 44 Waja wose wamtogole Kilisito wagendelela kuwa chinhu chimwe na wakala woigolela vinhu vao. 45 Wokala wovigula vinhu vao na chila chinhu chiweli nacho, amala waigolela sente chila munhu vija viyalondile. 46 Wagendelela kuiting'hana hamwe mazua gose hai ng'anda ya Mulungu na chipindi cha ndia waiting'hana mzing'anda zao, kuno woja ndia kwa ndeng'helelo kwa moyo mzelu, 47 Wamwing'ha Mulungu nhogolwa na wawatogola, chila zua Mndewa kakala yowongezela wanhu wakalile woloholigwa.