17 Yesu kaita kuno kaupapa msalaba wake kaita hanu, hokemigwa "Vuha da ditwi" kwa chiebulania hokemigwa Goligota. 18 Wamuwamba uko mumsalaba, hamwe na waja wamwenga waidi, imwe mumsalaba wa ubanzi wa kumoso na imwenga mumsalaba wa ubanzi wa kulume na Yesu kakala hagati yao. 19 Baho Pilato kandika yandiko mchibao keka muumsalaba. Najo dikala jandikigwa vino, "Yesu Mnazaleti, Mfaume wa Wayahudi."
23 Nao asikali viwakomelez e kumuwamba Yesu mumsalaba, wasola vivalo vake, wavigola mafungu mane, chila asikali vungu dimwe, ivija wasola na kanzu yake, kanzu iyo ikala ifumigwe na chihande chimwe bila kusonigwa. 24 Baho, asikali waja waitogolela wenyego, "Sekechiidege, ila chiitowele simbi yokuwa ya nani." Mbuli ino isang’hanigwa ili gavikile Mayandiko ga Mulungu golonga,
"Waigolela vivalo vangu,
na kanzu yangu waitowela simbi."
Baho ivo viwasang’hane wao asikali.
25 Habehi na msalaba wake Yesu, wakala wemile mami yake na mkulu wa mami yake yani Malia muke wa Kiliopa, na Malia wa Magidala. 26 Basi Yesu viyamonile mami yake na behi nayo kema ija mwaluko yeli na wende nayo, "Kamlongela mami yake, "Mama! Mlole mwanago ino hano."
27 Amala Yesu kamlongela ija mwaluko, "Mlole mami yako ino hano." Kulawila baho iyo mwaluko kamsola mami yake na kukala nayo ukae yake.
Yesu kofa
Matayo 27:45-56; Maluko 15:33-41; Luka 23:44-49
28 Amala Yesu viyamanyile kua gose gakala gavikila, na ili Mayandiko gavikile, kalonga, "Noona ng’hilu."
29 Baho hakala na bakuli dimema siki, baho wachova sifongo muisiki, na kuigela mulumango lwa hi sopo, wamwikila Yesu mumlomo. 30 Basi Yesu viyaibokele ija siki, kalonga, "Gamala!" Amala kainamila kadanganika.