21 Manake kama vija Tata viwowazilibule wafile na kuweng’ha ugima, ivija nayo Mwana koweng’ha ugima waja yowalonda. 22 Tata hamlamula munhu yoyose, mbali mbuli yose ya kulamula kamwing’ha Mwana, 23 ili wanhu wose wamtegeleze Mwana kama viwomtegeleza Tata. Munhu yoyose hamtegeleze Mwana hamtegeleza Tata yamtumile.

24 "Nowalongela kweli, munhu yoyose yohulika usenga wangu, na kumtogola ija yanhumile, kana ugima ulibule uhelelo. Holamuligwa mbe mbali kabita kulawa muifa kengila muugima." 25 Nowalongela kweli, chipindi chokwiza kaidi chivika haja wafile wodihulika dizi da Mwana wa Mulungu, nawo wohulika wokua wagima. 26 Kama vija Tata viyeli chanduso cha ugima, ivija kamwing’ha Mwanage kua chanduso cha ugima. 27 Kaidi kamwing’ha udahi wa kulamula manake iyo Munhu Mulungu yamtumile. 28 "Neke mkanganye mbuli ino manake chipindi chokwiza wose weli mmapanga wodihulika dizi jake. 29 Nawo wozilibuka na waja wasang’hane ganogile wozilibuka na kuwa na ugima ulibule uhelelo na waja wasang’hane ubananzi, wozilibuka na kulamuligwa.

30 "Niye sidaha kusang’hana chinhu chochose kwa udahi wangu mwenyego. Niye nolamula kama vinihulika kulawa kwa Tata, na ulamuzi wangu hauonela munhu. Silonda kusang’hana vinilonda mwenyego, mbali viyolonda ija yanhumile.

31 "Mbali nihailongelela niye mwenyego gaja ganisang’hana, na gaja ganilonga hagatogoligwa kuwa kweli."