10 Mdizua da kuhumula da Wayahudi, Yesu kakala yofunda Muikae ya kuiting’hanila Wayahudi. 11 Baho hakala na muke imwe yakalile mtamu wa milao kumi na nane, kwavija kakala yambule chinyamkela mbaka kamtenda yawe na kinhumbi ivo kapotigwa kwima kwa kugoloka. 12 Yesu viyamonile kamkema, akamlongela, "Gwee muke, ima kuhonyigwa kinhumbi ulinacho!" 13 Yesu viyamwikile makono gake muke iyo, bahaja kenuka goya na kumtogola Mulungu.

14 Mbali mkulu wa Kae ya kuiting’hanila Wayahudi kagevuzika kwa vija Yesu kamhonya muke iyo mdizua da kuhumula da Wayahudi. Ivo iyo mkulu Kae yakuiting’hanila Wayahudi kagendelela kudilongela dija bumbila da wanhu,"hana mazua sita ga kusang’hana sang’hano zenu, ivo mwize mmazua gago kuhonyigwa, mbali sio mdizua da kuhumula da Wayahudi!"

15 Baho mndewa kalonga, "Mweye wanhu vibilikizi, yelihi kumwenu mdizua ijo da kuhumula da Wayahudi seke yamlave ng’ombe hebu mhunda wake kuita kung’wa mazi? 16 Na ino muke wa ulelo wa Ibulahimu, yadununzigwe na chinyamkela kwa milao kumi na minane, baho halondeke kulekeseligwa madununzo gake mdizua ijo da kuhumula da Wayahudi?" 17 Viyakomeleze kugalonga gago, waja wahasanyi wake wagwa chinyala, mbali wanhu wamwenga wose wadeng’helela kwa mbuli za uzonza zisang’hanigwe nayo.