Lucas 18

Yesu komhonya chipofu mpulaji

35 Yesu viyakalile behi na isi ya Yeliko, munhu imwe chipofu, kakala yakalile mnzila kuno yopula. 36 Chipofu iyo viyehulike bumbila da wanhu dobita kauza, "Kuna choni?"

37 Wamlongela, "Yesu wa Nazaleti kobita."

38 Baho chipofu iyo kenula dizi kalonga, "Yesu! Mwanage Daudi! unionele bazi! 39 Waja wakalile haulongozi hake wamkomhokela ili yanyamale. Mbali hatogole na kongeza kwinula dizi, "Mwanage Daudi! unionele bazi!."

40 Yesu kema na kuwalagiza wamgale kumwake, na viyavikile habehi, Yesu kamuuza,

41 "Kolonda nikutendele choni?" Kedika "Mndewa, nolonda nilole."

42 Yesu kamlongela, "Haya ulole! Tumanilo jako dikuhonya."

43 Bahaja kalola na kamuwinza Yesu, na kamwing’ha hewela Mulungu. Na wanhu wose viwaonile mbuli izo, wose wamtogola Mulungu.