Lucas 22

Petulo kombela Yesu

54 Amala wamgela Yesu mmakono, wamsola na waita nayo mbaka ukae kwa Mkulu wa nhambiko, mbali Petulo kamuwinza Yesu kwa hatali. 55 Viwakomeleze kukoka moto haluhelengo, Petulo nayo kailumba nao waja wakalile wokota moto. 56 Mtumigwa imwe wa chike viyamonile Petulo kakala habehi na uja moto, kambunhulila meso na kulonga, "Munhu ino nayo kakala hamwe na Yesu!" 57 Mbali Petulo kabela na kalonga, "Gweye muke, nie ata simanyile munhu iyo!" 58 Chipindi chidodo munhu imwenga kamona Petulo na kalonga, "Gweye ivija kwa miage Yesu!" Mbali Petulo kalonga, "Munhu gweye sio nie!" 59 Viibitile kama saa dimwe vino, munhu imwenga kagendelela kugangamiza, "Kweli ino munhu nayo kakala hamwe na Yesu, kwa vija ino nayo Mgalilaya." 60 Petulo kalonga, "Gwee munhu sichimanya chuulonga!" Bahaja viyakalile yolonga, nzogolo keka. 61 Na Mndewa kamhindukila na kumlola Petulo, baho Petulo kakumbuka zija mbuli yalongiligwe na Mndewa, "Kabula nzogolo lelo hanakwika, gweye kokua kunibela mala nhatu." 62 Petulo kalawa kunze na kulila kwa giogio.