Lucas 7

24 Ivo wasenga waja wa Yohana viwasegele, Yesu kasonga kudilongela dija bumbila da wanhu kwa mbuli ya Yohana, "Vumuitile kuchiwala muita kulola choni? Ivo muita kulola gaja madete gahembelusigwa na beho? 25 Ama muita kuchiwala kulola choni? Hebu ija munhu yavalile vivalo vinogile ng’hani? Mvimanye kua wanhu wavalaga vivalo vinogile, wao wokala mzikae za Wafaume. 26 Ivo nowauzeni, mweye muita kulola choni? Muita kumlola Mlagusi wa Mulungu? Enaa, mbali mulola gamwenga mengi kubita ulagusi. 27 Ino iyo mbuli zake zandikigwa mmayandiko, ‘Mulungu kalonga, lola nomgala msenga wangu yakulongolele yakakutandile nzila.’ 28 Yesu kagangamiza kulonga, "Yohana iyo munhu mkulu kubita wose. Hataivo ija yeli mdodo muufaume wa Mulungu ni mkulu kubita Yohana.

29 Wanhu wose mbaka wagoga kodi viwahulike mbuli izo wasonga kumtogola Mulungu kwa unovu wake na wabatizigwa na Yohana. 30 Mbali Mafalisayo na Wafunda shalia hawautogole usenga uja wa Mulungu kwa kulema kubatizigwa na Yohana.