Lucas 8

49 Yesu viyakalile yang’hali kolonga gano, keza mtumigwa ija kulawa ukae kwa Yailo. Kamlongela Yailo, "Biti yako kadanganika, habali umgaze mfundaji?"

50 Mbali Yesu viyehulike gago, kamlongela Yailo, "Seke udumbe, togola tu, biti yako kohona."

51 Yesu viyavikile ukae ya biti Yailo, halondile kwingila mgati na wanhu wamwenga, ila kengila na Petulo na Yakobo na Yohana na tati na mami yake ija biti. 52 Wanhu wose wakala wolila na giogio kwa mwana iyo. Yesu kalonga, "Seke ulile, kwavija mwanago hadanganike mbali kawasa!"

53 Wose wamzeha kwa vija wakala wavimanyile mwana iyo kadanganika. 54 Mbali Yesu kamgoga mkono wa ija mwana na kamlongela, "Biti, ima!" 55 Ugima wake umbwelela, bahaja kenuka. Yesu kawalongela tata na mami yake mwing’heni ndia. 56 Tata na mami yake wakanganya ng’hani, mbali Yesu kawagomesa sekewamlongele munhu yoyose chija chilawilile.