Luka 9

Yesu kowalagiza waja kumi na waidi

1 Yesu kawakema hamwe waja kumi na waidi, kaweng’ha udaho na ukulu wa kulava vinyamkela vose na kuhonya watamu, 2 amala kawalagiza kuziligula usenga unogile wa ufaume wa Mulungu na kuwahonya watamu. 3 Yesu kawalagiza kawalongela, "Sekemsole chochose muumwanza wenu, hebu luboko, hebu mgelo hebu mgate na hebu sente na hebu valo da kaidi. 4 Na mwahabokeligwa muikae yoyose, kaleni muikae iyo mbaka vondamlawe mchijiji icho, 5 kama wanhu hawawabokele mmwao kung’huneni timbwisi da magulu genu kama walema kubokela usenga wa Mulungu." 6 Baho waja waluko wasegela waita chijiji mbaka chijiji, kuno woligula Usenga Unogile wa kuhonya watamu wa chila hanu.