Yesu komkema Matayo
9 Yesu kasegela baho, na viyakalile yoita kamuona munhu imwe yokemigwa Matayo, kakala hanhu hakwamhila kodi. Baho, Yesu kamlongela, "Niwinze."
Nayo Matayo kenuka na kumuwinza Yesu.
10 Yesu viyakalile ukae kukala kuja ndia, wagoga kodi wengi na wabananzi, weza na kuja na Yesu hamwe na waluko wake.
11 Mafalisayo viwaonile gago, wawauza waluko wake, "Habali mfundaji wenu koja na wagoga kodi na weli na malozo?" 12 Yesu kawahulika kawalongela, "Wanhu weli na ugima hawalonda mlaguzi, mbali watamu iyo wolonda mlaguzi. 13 Ivo, kaifunzeni kuumanya ulonzi uno, ‘Nolonda bazi mbali sio nhambiko.’ Sizile kuwakema wanhu wanovu, mbali weli na malozo."
Maluko 2:18-22; Luka 5:33-39