ଲୋକ୍ତି ପାପ୍ପାଣି
1 ଇୟାୱାଜା ଏସ୍ତିୱାଲେ ଦୁନିଆଦୁ ଲୋକା ଇସାପ୍ ନାଣ୍ତ ଆତାର୍ ମାରି ୱାରି ନାଣ୍ତ ଆଇଲିକ୍ ଜନମ୍ ଆତେ; 2 ନାସ୍ତିୱାଲେ ମାପୁରୁଦି ମାରିସିର୍ ଲୋକା ଆଇଲିକା ସୁନ୍ଦର୍ ସୁଡ଼ୁଜି, ୱାର୍ ଏମେୱାନିକାଙ୍ଗ୍ ବଦା କିତାର୍, ଆୟା ୱିଜୁ ଆଇଲିକାଙ୍ଗ୍ ପେଡ଼ି ଆଦେଙ୍ଗ୍ ଆସ୍ତାର୍ । 3 ଆବେଟ୍କୁ ସଦାପ୍ରବୁ ଇର୍ହାନ୍, "ମା ଆତ୍ମା ଲୋକା ମୁସୁକୁ ୱିଜୁଦିନ୍ ତେବାଦେଙ୍ଗ୍ ଆଟ୍ଏତ୍, ଏଣ୍ତେସ୍କି ୱାର୍ ତାଗ୍ଇସାରିଦାନ୍ ସନାର୍ ୱାର୍ କାଣ୍ତା ମାତର୍; ଇୟାଉଣ୍ତିଙ୍ଗ୍ ୱାରି ବେଡ଼ା ସହେ କଡ଼େ ବାର୍ସେକ୍ ଆନାତ୍ ।" 4 ଆୟା ବେଡ଼ାଦୁ ଦୁନିଆଦୁ ପେରିପେରି ଲୋକ୍ ମାର୍ହାର୍; ମାରି ଆୟା ୱେନ୍କା ମାପୁରୁଦି ମାରିନ୍କା ଲୋକାରି ଆଇଲିକା ୱାଲେ ଡରିତାର୍, ୱାରିମାଣାନ୍କୁ କଡ଼ର୍ ଆଇଲିକ୍ ଜନମ୍ ଆତାର୍; ୱାର୍ ବା ପୁର୍ବେକାଡ଼ାଦି ପେରିକାର୍ ମାର୍ହାର୍ ।
5 ଇୟାୱେନ୍କା ସଦାପ୍ରବୁ ସୁଡ଼ୁତାନ୍ ଜେ, ଦୁନିଆଦୁ ଲୋକ୍ତି ତାଗ୍ଇପାଣି ନାଣ୍ତ ପେରିକା, ମାରି ୱାରି ମୋନ୍ତୁ ଅଡ଼୍ବିନିକା ୱିଜୁ ବେଡ଼ାଦୁ ତାଗ୍ଇ ମାତର୍ । 6 ଇୟାଉଣ୍ତିଙ୍ଗ୍ ସଦାପ୍ରବୁ ଦୁନିଆଦୁ ଲୋକ୍ତିଙ୍ଗ୍ ତିଆର୍ କିନି ଉଣ୍ତିଙ୍ଗ୍ ଅଡ଼୍ବିଜି ମୋନ୍ତୁ ଆଡ଼ାବାତାନ୍ । 7 ଆବେଟ୍କୁ ସଦାପ୍ରବୁ ଇର୍ହାନ୍, "ନାନୁ ବୁମିଦାନ୍ ନିଜେଦି ତିଆର୍ ଆତି ଲୋକ୍ତିଙ୍ଗ୍, ମାରି ଲୋକ୍ତି ୱାଲେ ଜାତୁ ମାରି ଉଜ୍ନି ଜାତୁଙ୍ଗ୍ ମାରି ପଟିଆଙ୍ଗାଁ ନାଷ୍ଟୁ କିନା; ଇରିଙ୍ଗ୍ ନାନୁ ୱାନିକାଙ୍ଗ୍ ତିଆର୍ କିତିମାଡ଼ାନ୍ ନାନୁ ଅଡ଼୍ବିଦେଙ୍ଗ୍ ଆଜିନାତ୍ ।" 8 ମାତର୍ ନୋହ ସଦାପ୍ରବୁଦି ଆଗିଡ଼ି ଦୟା ପୟ୍ତାନ୍ ।
ନୋହଦି କାତା
9 ନୋହଦି କୁଟୁମ୍ ଇକା । ନୋହ ନିଜେ ଆୟା ବେଡ଼ାଦି ଲୋକା ଲୋଇ ଦାର୍ମୁ ନି ସାଦୁ ଲୋକ୍ ମାର୍ହାନ୍; ନୋହ ମାପୁରୁଦି ୱାଲେ ବୁଲାସାଲା କିତାନ୍ ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)