49 Etjalebeleka kwakaswika umwe nlume ebva kun’umba yentungamili wesinagogu, akati, "Nkololokadzi wenyu watjinyika; musitjadziyidze Ndhiyi."
50 Koga Yesu wakati akuwha akawun’handula eti, "Usihle; galamoyo koga, iye unowhonaya."
51 Wakati aswika kun’umba akadzibisa nhu wose ngina mun’umba, kuhhe kwaPhethiro naJakobe naJohane, natatayi namayi bemwana. 52 Banhu bose baka bekuwa belilila mwana; koga wakati, "Musilile; haazofa koga ulele."
53 Koga bakawunseka bulengwe beziba kuti wafa. 54 Wakabhata nsikana neluboko akadanilila, eti, "Mwana, muka." 55 Meya iye ikahanduka, tjinyolotjo akamuka; akabalaya kuti bawumpe zodliwa adle. 56 Bazwadzi babe bakatjenama kwazo; iye akabakowhomesedza kuti basibudze nhu tjayetika.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)