Atos 16

Palɔ də Silasə lə anda kânga mâ Flipə

16 Ndə ə̈bə̈ alɔ, ä sə̂ kə na mâ ə̂sə̂ kə yu Ndjapä tə̂ nə, ə̈bə̈ əyïkosəra tə yashe nâ ə tê ä. Afrɔ yîrə̂ sə̂ lə ye ə zâ äwä kə ətshə ndə kə pa tshə pa əpʉ aərə ə̂në ə wutu je kɔ kə azü. Mbrə nə, aâgbɔ̂ azü nə̂ ye sɔ̂tə̂ ngendja ngbatshe. 17 Tshə vɔ̂tə̂ kə za äwä ä, ä-ä də a-Palɔ nə, ə tâ râwâ ə pa: «Azü səye sə tə alayïkosəra nə̂ Ndjapä ə̂në tshə sə mâ ngâ lafɔ kɔ! Əndje sə kə yisə̂ äwä ə̂në ə she azü lə kuzu kɔ kə e!» 18 Tshə mbrə̂ kʉ rə lə aəlo ngbatshe. Bale, ə kô Palɔ nə rô pâ nə â tshə dô tə̂ ye â pâ kə afrɔ yîrə̂ nə ə pa: «Mə za ama kə əbə, də əɨrɨ Jezu Kristə, wütu lə ye gashu!» Kʉ pə kôto, afrɔ yîrə̂ nə wûtu lə ye.