10 Paakabona chibono, pakalepo takalonganyila kunda kuMasedoniya kuti tinobhaunula iNdebo iMbuya kwabali.
MuFilipi: kuShanduka kwaLidiya
11 Takangwina mubwato tikakwenda kuva muTolowasi, tikananga kuSamotilasi akale nezhuba linotobela tikaswika kuNiyapolisi, 12 kuva yoko takaswika kuFilipi, lili ilyo iguta lyotanga kana ungwina mushango yeMasedoniya, akale ilinyika ili pasi pabaRoma. Takagala muneli iguta kwamazhuba, 13 nezhuba lyeSabata takenda kuzhe kweshubo kumbali kwolwizi, kwatakayeyela kuti kungaba nobugalo bonamatila, takagala pasi tikalebeleka nabanhukaji bakabaka bungana. 14 Umwe wakatiwha wakabeli unhukaji wakaba ewhi Lidiya, weguta lyeTiyatila, walutengesa ingubo jensulubele, akale enamata Mwali. She Mwali wakazhula moyo uwe kuti etambule zwakaba zwilebelekwa naPaulu. 15 Paakabhabhatizwa, nengumba iye yose, wakati kwekweteja eti, "Kana mwandibona kuti ndinobimbika kuna She, izhani mogala kungumba yangu." Wakabhudilila kutibweta kuti tigale naye.
Muntolongo muFilipi
16 Patakaba tinda kubugalo bwokunamatila, takashangamijwa nonsichana unzike akale wakaba elinejimu lyokukandila, akale wakabebuzila beni babe ifuma inji nokuleba mbeli. 17 Iye wakatobela Paulu nasu, eshomeja eti, "Yaba banhulume zwishingi zwaMwali upezhuluzhulu, bamumubhaunulila inzila yoluchijo."
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)