O Petar phenela deka o Isus tano o Hristos
13 Koga o Isus alo ko thana taro e Filipeskiri Cezarija, pučlja pe učenikon: "So phenena o manuša, koj tano o Čhavo Manušeskoro?"
16 O Simon Petar odgovoringja leske: "Tu sijan o Hristos, o Čhavo e dživde Devleskoro."
O Isus vakerela bašo po meribe
21 Od togaš o Isus počmingja te vakerel pe učenikonge deka mora te džal ko Erusalim hem but te cidel taro starešine, taro prvosveštenikija hem taro učitejla e Zakoneskere, hem deka mora te ovel mudardo hem o trito dive ka uštel taro mule.
22 I o Petar cidingja le ki jekh strana, hem zaptingja le vakerindor: "Nikat Gospode! Akava nikat nane te ovel tuke!"
23 A o Isus irangja pe ki leste hem phengja: "Naš mandar, Benga! Tergjoveja mange ko drumo, soske na mislineja adava soj Devleskoro, nego manušeskoro."
Sar te ove e Isuseskoro učeniko
24 Togaš o Isus phengja pe učenikonge: "Koj mangela te ovel mo učeniko, mora te otkažinel pe pestar hem mora te lel po krsto hem mora te phirel pala mande.
28 Čače vakerava tumenge, isi nesave akate maškar tumende so nane te meren, dži kote na dikhena o Čhavo Manušeskoro sar avela ko po carstvo."