O dujmujalipe e vodačengoro
1 Togaš o Isus phengja e narodoske hem pe učenikonge: 2 "O učitejla e Zakoneskere hem o fariseja bešena sine ko than e Mojsijaskoro te sikaven o Zakoni. 3 Adaleske mora te pazinen hem te keren sa so ka vakeren tumenge, ama ma keren adava so ola kerena. Soske ola na kerena adava so vakerena. 4 Ola phandena o pharipe soj pharo hem čhivena le javerenge ko pike, ama ola ni najeja na mangena te mrdinen te pomožinen.
5 Sa so kerena, kerena le bašo manuša te dikhen len. Buvlarena pumare kutije lafencar taro Sveto Lil hem phiravena len ko čekat ili ko vasta, hem kerena pumare resija23:5 resija akava značinela čipke ili thava so visinena ko fustani ili ko šeja. taro šeja po dugačka. 6 Mangena te bešen ko najšukar thana ko hajbe pijbe hem ko prvo thana ko sinagoge. 7 Ola mangena javera te poštojnen len ko pazajra hem te vikinen len ‘Učitele.’