O znakija taro bare nevojle
3 Dži kote bešela sine o Isus ki Maslinovo gora, o učenikija ale korkori uza leste hem pučle le: "Vaker amenge, koga ka ovel sa akava? Hem savo ka ovel o znako bašo to ajbe hem bašo krajo e svetoskoro?"
4 O Isus odgovoringja: "Pazinen, ma te hovavel tumen nekoj. 5 Soske but džene ka aven ko mo anav, hem ka vakeren: ‘Me sijum o Hristos’, hem ka hovaven buten. 6 Ka šunen deka isi vojne hem deka kerela pe lafi bašo maribe, ama ma daran. Soske sa adava mora te ovel, ama panda nane o krajo. 7 Ka ušten nacija protiv nacija, hem carstvo protiv carstvo. Ka oven zemijotresija ko razna thana, hem bokhalipe. 8 Sa akava tano samo o početok taro bijanibaskere dukha.
9 Togaš ka oven predajme, te oven mučime hem ka mudaren tumen. Hem sa o nacije ka mrzinen tumen baši mange. 10 Ko adava vreme, but džene ka peren tari vera, jekh jekhe ka predajnen hem ka mrzinen. 11 Ka pojavinen pe but hovavne prorokija hem buten ka hovaven. 12 Adaleske so ka ovel baro lošnipa hem butengoro mangipe ka šudrol. 14 I akava evangelije bašo carstvo nebesno ka ovel propovedimo ko celo sveto sar svedoštvo sa e narodonge, i togaš ka avel o krajo."
O ajbe e Isuseskoro
29 "A odma palo problemija ko adala dive,
‘O kham ka temningjovel
hem i mesečina nane te del pi svetlina;
o čerenja ka peren taro nebo
hem o nebesna sile ka oven potresime.’24:29 Isa 13:10.
30 Togaš ka pojavinel pe o znako ko nebo taro o Čhavo Manušeskoro. I ko adava vreme sa o plemija ki phuv, ka roven hem ka dikhen o Čhavo Manušeskoro, sar avela upro oblakija bare silaja hem slavaja. 31 Hem ka bičhavel pe angelen pe silno trubaja hem ola ka kheden leskere birimen taro štar strane e svetoskere, taro jekh krajo dži ko javer krajo e neboskoro."
O dive hem o sati nikoj na džanela
36 "Ama bašo adava dive hem sati nikoj na džanela, ni o angejla taro nebo, ni o Čhavo, samo o Dad.
44 Agjar tumen da trebela te oven spremna, soske o Čhavo Manušeskoro ka avel togaš koga nane te adžikeren le."