2 Taro jekh puti sine baro zemjotres, adaleske so o angeli e Gospodareskoro hulingja taro nebo, alo ko grobo, cidingja o bar hem bešla upro leste. 4 O čuvajra doborom darandile so počminge te tresinen hem ule sar mule.
6 Ov nane akate; uštilo taro mule, sar so phengja tumenge. Aven hem dikhen o than kaj so pašlilo.
O sveštenikija dena pare e čuvaren te hovaven
11 Dži kote o romnja sine ko drumo, nesave taro čuvajra khuge ko gradi hem vakerge e prvosveštenikonge sa so ulo. 12 Ola khedinge pe e starešinencar hem dogovoringe pe te den but pare e vojnikonge.
13 I phenge lenge: "Vakeren: ‘Leskere učenikija ale rakjate hem čorge leskoro telo dži kote amen sovaja sine.’