Matej 6:25,26,31-34

MAR Makedonsko Arli Romani Biblija

Bašo sekiracije

25 "Adaleske vakerava tumenge: Ma sekirinen tumen bašo tumaro životo, so ka han hem so ka pijen, ili so ka phiravel tumaro telo. Nane li o životo považno taro hajbe, a o telo považno taro šeja? 26 Dikhen e čiriklen. Ola ni sejnena, ni na khedena te čhiven ki štala. A palem parvarela len tumaro Dad soj ko nebo. A na sijen li tumen považno lendar?

31 Adaleske ma sekirinen tumen hem ma vakeren: ‘So ka ha?’ ili ‘So ka pija?’ ili ‘So ka urava?’ 32 Soske sa akava rodena okola so na džanena e Devle. A tumaro Dad soj upre ko nebo džanela so trebela tumen. 33 Ama najanglal roden o carstvo e Devleskoro hem leskiri pravda, i sa akava ka del pe tumenge.

34 Adaleske, ma sekirinen tumen bašo tajsutno dive, soske o tajsutno dive ka sekirinel pe peske. Sekova dive isi le dovolno pe problemija."

Em outras traduções

RAB I Biblija ki Arli romani čhib Srbija

25 "Adalese vaćerava tumenđe: Ma oven zabrinuta zako tumaro dživdipe: ka ovel tumen li so te han ili so te pijen, ni zako tumaro telo: ka ovel tumen li so te urjaven. Nane li o dživdipe po bitno e hajbnastar, a o telo e šejendar? 26 Dikhen šukar e čirikljen! Ni sejinena ni čedena te čhiven ano šupe, a palem parvari len tumaro Dad kovai ano nebo. A na li tumen više vredinena e čirikljendar?
31 Adalese, ma oven zabrinuta hem ma vaćeren: ‘So ka ha?’ ili ‘So ka pija?’ ili ‘So ka urjava?’ 32 Adalese so adava rodena okola kola na džanen e Devlese. Tumaro Dad kovai ano nebo džanel da valjani tumenđe sa adava. 33 Nego, najangle roden o carstvo e Devlesoro hem lesiri pravednost, a sa adava so valjani tumenđe, ov ka del tumen!
34 Adalese, ma brininen tumen zako tejsato dive; nek o tejsato dive brinini pe pese. Svako dive isi le dovoljno ple bišukaripa."

Direitos das traduções citadas

Estes versículos te tocaram? Ore agora!

+581 estão orando agora.

Junte-se à corrente de oração.

Mateus

Ver todos os capítulos de Mateus