Lucas 1

Ba deŋ yel Yezu Dɔɣum yela

26 Ŋmaar siyoobi poŋi ka Na’ayen da tom U maleka Gebiriyɛl Nazarɛf teŋ, 27 U da tom u la pɔɣɔsa’ar so n nam pu mi buraaga sa’ani, Geusɛf so n a Devit yizugu nir la, n da maahimit yi u di u. Pɔɣɔsa’ara wo’or da a la Mɛɛri. 28 Maleka wa da tã u sa’ani na po’oh u ka yel u yii, <<Kamaalug a la i den! Daan la be ni i mi?>> 29 Amaa u da a la bora, yit tɔɣɔse’eb ka u wom la. Ka da bo’ot bu vɔ̃ɔ̃r n a se’em. 30 Ka maleka la yel u yii, <<Da bah ka dabɛɛm tar i ya, Mɛɛri, ka Na’ayen sũũr n nɔŋ i. 31 I nan ŋwɔ̃k poor dɔɣɔ buribig, ka sɛɣɛ ka wo’or Yezu. 32 U nan a nivokãt, ka nirib nan bɔɔn U Gaatbazã’ã Dawɔɔ, Daan Na’ayen la nan zaŋ Devit na’am la te u. 33 U nan so Gekɔb yir la yɛha, ka u so’olum kun tar ba’ahugo?>> 34 Ka Mɛɛri yel maleka la yii, <<La nan iŋa yela tom, Mam n nam pu mi buraaga?>> 35 Ka maleka la yel u yi, <<Vo’ohun som Sii la nan sigi i zugu, ka Gaatbazã’ã Na’ayen la paŋ nan kaa i mu; ŋwala zugu bii la nan a kassi; U wo’or nan a Na’ayen Dawɔɔ. 36 I sɔ̃ɔ̃g Elizabɛt ŋwɔ̃k poor ni u korigir la zã’ã, u nan dɔɣɔ buribig; ŋmaar siyoobi n ŋwala ka u ŋwɔ̃k poora, so ka ba yet yi u a la kundɔɣir la. 37 Se’el ka' tɔ te Na’ayen ne?>> 38 Ka Mɛɛri yel u yii, <<Mam n ŋwala, Daan la ntomiraa; bahum ka la tom n vom poŋi a aa nyɛ n tɔɣɔ se’em la?>> Ka maleka la bah u ka keŋ.