Lucas 1

Zakariya N da deŋ nyɛ se’el la

67 Geon ba' Zakariya da pɛ’ɛl mi ni Vo’ohun som Sii la ka tɔɣɔ yetɔɣɔ ãã:

68 <<Kamaalug be ni Izirɛal Daan Na’ayen la,

se’el n so la U zo U nirib la nimbɔ̃’ɔ̃g ka fãã ba bah.

69 U te ti Fããt so n a paŋ daan

yit Na’ayen ntomit Devit yir la na,

70 a aa Un da tɔɣɔ dol U kassi nɔdɛ’ɛh nam la,

71 yi ti nan nyɛ fããgir ti dindem nu’uhin

ni seba woo n dim ni ti la.

72 U tom dol la Un da diŋ nɔɔr

ni ti yaanam la,

ka tẽẽ u kassi nɔdiŋa la,

73 Nɔdiŋse’er ka U da diŋ ni ti yaab Ebraham la,

n so ka U tom te ti: 74 Yi U fãã ti ti dindem nu’uhin,

la n nan iŋ se’em ka ti na’ahit U ka dabɛɛm kun bee,

75 ka vo' kassi ni ntɔɔ vom U tɔɔn gur ti kum.

76 Ka nyɛ, biiga, i yi i aa Saazugu Bonkpe’eoŋ la nɔdɛ’ɛh;

se’el n so la i nan maahum Daan la sɔya la,

77 i nan tɔɣɔt tet i nirib la yi ba nan nyɛ ba fããgir yit

la Mam n zaŋ ba be’em taal daah ba la.

78 Yit Na’ayen suguru la ni,

saazugu ha som la nan sigi ti zut na, 79 yi u te seba woo n zĩ' lik ni kum tɔɔn la,

ka gbɛ’ɛh ti nɔba dolih suma’ahum sɔr?>>