Mateus 16

Zangameni ku vilinga via Vafaliseho na Vasanduki vije viafua ngue cimbaluila

5 Omo vandongisi vahetele musinia, vasuvile kuambata mbolo. 6 Kaha Yesu uahandekele kuli vakevo nguendi, "Liniungeni kaha zangameni ku cimbaluila ca Vafaliseho na Vasanduki."

7 Kaha vakele nakuhandeka hakati kavo vavenia nguavo, "Kutuezile na mbolo."

8 Kaha Yesu hakuzivuka eci, uahandekele nguendi, "Yeni valutsilielo lualundende, vika muli nakuhandeka hakati keni vavenia ngueni kumuesi na mbolo? 9 Nkuma kanda muvuisise ndi? Nkuma kumuvuluka mikasha itanu ya vimbolo ije ivalile vantu makulukazi atanu, kaha mitonga ingahi muakunguluile? 10 Cipue mikasha itanu na ivali ya vimbolo ije ivalile vantu makulukazi auana, nkuma mitonga ingahi muakunguluile? 11 Nkuma vika kumuvuisisa ngueni kunjahandekele neni via mbolo? Zangameni ku cimbaluila ca Vafaliseho na Vasanduki."

12 Ambahoni vevuisisile nguavo nkuma kavalekele kuzangama ku cimbaluila cakupangesa mbolo, vuno honi ha vilongesa via Vafaliseho na Vasanduki.