Mateu 22

Cihula ca ha kusanguka ku vatsi

23 Ha litangua lije vene Vasanduki vezile kuli Yesu, vaje vakatsiliela nguavo kukuesi kusanguka ku vatsi. Kaha vamuihuile cihula nguavo,

24 Mulongisi, Mosesa uahandekele nguendi, "Nga yala atsa kuakuhona kuseza vana, kaha uje muanaye napande kuambata uje ntuluue, linga asemeneko vana vaje vanapandele kusemenako muanaye. 25 Honi vapuile vatanu na vavali vamunaina, kaha uakulivanga uambatele, kaha uatsile, kaha kasezele vana kaha uasezele uje mpueyendi kuli muanaye. 26 Cuma cakulifua calingiuile kuli uamucivali na kuli uamucitatu, kuheta nakuli uje uamu citanu na vavali. 27 Kumamanusuilo uje mpuevo uatsile. 28 Kaha mukusanguka, nankuma, akapua mpuevo yeya ha vantu ava vatanu na vavali? Muomu voshe vamuambatele."

29 Vuno honi Yesu uavakumbuluile nguendi, "Yeni muapihisa, muomu kumuzivuka visoneka cipue nzili ya Njambi. 30 Muomu mukusanguka ku vatsi kukukakala kuambata cipue kushombuesa, vuno honi vakapua ngue tungelo va muilu. 31 Kaha ngue ha kusanguka kuvatsi, nkuma kumuatandele vije viahandekele Njambi kuli yeni nguendi, 32 ‘Yange Njambi ua Avilahama, na Njambi ua Isake, na Njambi ua Yakomba.’ Keti Njambi ua vaka kutsa, vuno honi Njambi ua vaka kuyoya." 33 Kaha omo civunga ca vantu covuile eci, valikomokelele cikuma ha kulongesa cendi.