Mateu 3

Kuambulula ca Yiuano muka kumbuitika

1 Mu matangua aje kuezile Yiuano muka kumbuitika, uakele nakuambulula mu mpambo ya Yundeya nguendi, 2 "Tengulukeni, muomu Vumuene vua muilu vuli muyehi." 3 Muomu ou ikeye ivahandekele kuli kananguizi Isaya, omo uahandekele nguendi,

"Lizi lia umo ali nakutambeka mu mpambo ngualio,

Vuaheseni ngila ya Muene

kaha sungameseni ngila yendi."

4 Honi Yiuano uazalele vuzalo vuakupanga ha maka a kamelu kaha ualikutile muiva ua cilambu mu mbunda yendi, na viakulia viendi viapuile vambimba na vuci. 5 Vantu vezile kuli ikeye kuhuma ku Yelusalema na ku Yundeya yoshe, na ku vihela vioshe viakulihata na ndonga ya Yundau. 6 Valitavelele vipi viavo kaha uavambuitikile mu ndonga ya Yundau.