गाराहा आपिलोअ देवान्यो
1 "फाश्योअ देवान्यो बाबल्योअ लाकड़ाआ, पास आथ नांबी आन पास आथ पोली बोणावजी; देवान्यो शार खुण्यो जोवे, आन तियाआ उसी तिन आथोअ जोवे. 2 आन तियाआ शारु खुणापोअ शार हिंग बोणावजा; तो एकुज तुकड़ाआ जोवे, आन तियाहा तांबाआ वाअहीं मोडाड़जा. 3 आन तियाआ खाँआं विसीइलोअ बासन, पावड़ो, वाटकी, दाताल पावड़ो, सुपड़ी बोणावजा; तियाआ आखो सामान इसत्लेए बोणावाड़जा. 4 तियाआ काजे इसत्लेए जालीइ एक सारी बोणावाड़जी; आन तियाआ शारी वोल मुन्कापोअ इसत्लेए शार आकड़ा लागाड़जी. 5 आन तियी इसत्लेए सारीही देवान्याआ शारी वोल सुटीइ निसे एहें कोइत लागाड़ावजी के तो देवान्याआ उसेए पोरापोर जाआं पोते. 6 आन देवान्याआ काजे बाबल्योअ लाकड़ाआ डांडू बोणावजा, आन तियांहां तांबाअ वाअहीं मोडाड़जा. 7 आन डांडू कोड़ीमेहें टाकजा के जाहां जाहां देवान्यो उसलीइलोअ वेल आवे ताहां ताहां ते तियाआ बेनू मेरेपोअ रोय. 8 देवान्याहा रिपे मेकीत कावलो बोणावजा; जेहेलोहो तो या डोगोपोअ ताहूं देखाड़्योहो तेहेलोज बोणावजा."
तोंबाआ जागाअ खोली
(निर्ग 38:9-20)