उत्पत्ती 8

6 फाश्योअ एहेलोहो ओवो के सालीही दिहोअ फासाड़ी नोहे तियाआ बोणावल्यी जाहाजेए खिड़की उगाड़ीत कोइत, 7 एक कागड़ू उडाड़ी देदू: जाअहूं जाआं पाईं धरतीपोअ रोत उगाइत नाहां गोयो, ताअहूं जाआं कागड़ू एहें तेहें इंडतू रोयू. 8 फाशोअ तिये धरतीपोअ रोत पाईं आटाइत गोयोहो के नाहां तों पालीइलोअ काजे तियाआ जागे रोत एकी पेरवीही बी उडाड़ी देदी. 9 तियी पेरवीही गुडा मिकीइलाअ काजे किज आधार ने जोड़्यू, ताहां ते तियाआ जागे जाहाजीम वोलीत आयी: काहाके पुरी धरतीपोअ पाईंन पाईंज ओतो. ताहां नोहे आथ टाकीत कोइत तियीही तियाआ जागे जाहाजीम लेत लेदी. 10 ताहां फाशुउ हांत दिही जाआं रुकाइत कोइत, तिये तियीज पेरवीही जाहाजेम रोत फाशीइ उडाड़ी देदी; 11 आन पेरवी हांजेए वेले तियाआ जागे आयी, ताहां की देख्यो के तियीइ सासड़ीमेहें जेयतुनोअ एक कोवलो पान होय; तियावाअहीं नोहे जाइंत लेदो के पाईं धरतीपोअ रोत आटाइत गोयोहो. 12 ताहरुउ तो हांत दिही जाआं रुकाइत कोइत तियीज पेरवीही उडाड़ी देदी; आन ते तियाआ जागे फाशीइ केदिहींज वोलीत कोइत ने आयी.