Mateus 17

Yesu akhogalokha osho

1 Nsiko sita panaa jalejakela, Yesu aleavasolaa Petulo no Yakobo no Yohana moluna wa Yakobo, akapeta nanevo kho ketonda ketale khonaa valevikhala okhoo valeemwi. 2 Ne panaa angile vapwale okhoo, Yesu aleagalokhaa osho paolongolo yawe. Osho wakwe walewang’ang’ala kete lyonse, ne myenda jakwe jawa myelo pee, kete welo wa lyonse. 3 Timpu, vavawona Musa no Elia vakhopaala no Yesu. 4 Apenee Petulo akamoweela Yesu, "Mwene, mbe olatogwa a visoga osweswe khwikhale epa, ndajenga vedindiga vetato, kemwii amba chakhoo, ne keenge amba cha Musa, ne keenge amba cha Elia."

5 Petulo panaa angile akhale akhopaala, timpu, iluunde lenaa lekhong’alala pee alelavakundekela, no lolii lwategelekha khopuma mo iluunde eloo, yenaa kepalaa, "Oyo amwenee mwanaane yunaa nemotogilwe, yunaa nkhotojwaa nanoyo, gechoo momotegelelaje mwenee."