Majigano gatupatite kubhoka kwa ntini gugujomite
20 Kundabhi tuputupu, pabhakibha bhatendakupeta, bhakagubhona gonigola nkongo gwa ntini gujomite gwoa, kubhokela kumikega mpaka nnani kumahamba. 21 Apetulo bhakagukombokela, bhakaalobholela Ayesu, "Bhannyigana, nnole! Gonigola ntini guntekugulaani, gujomite!"
22 Ayesu bhakaalobholelanga, "Munhobhalelange Annoongo. 23 Ndendakunnobholelanga kweli, amundu handa bhalilobholile litombi hele, ‘Nnyikuke nkachijee mu bahali,’ pangali kubhehe na bhoga muntima gwabhe, ila handa bhahobhalile hikubho yoha kubhee gabhalongile gatendakuteendeka, bhapakuteendelwa chikubho chenecho. 24 Ligongo lya henela ndendakunnobholelanga, goha pannyopanga na kuchali na kwaajopa Annoongo choachela nhobhalelange kubhehe nchipokilinge na chene chipakubhee chinunji. 25 Kila pannyopanga, munnekelele kila amundu bhabhannemwitinge, nabhena Atati bhinunji bha kunani kulihunde bhapakunnekelelanga mwangota kulemwa kwinunji."
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)