Amaluko 6

22 Bahi, mwali jwa Ahelodia pabhakajingila penipala palitendeka lichobha likolongwa bhakahina, bhakaahachuanga muno Ahelode na akaageni bhabhe. Ahelode akaalobholela jono mwali, "Nnyope choachela chimmpala, na nenga mbakumpekea." 23 Kabhele akaalapila, "Chohachela chimpakunyoopa, mbakumpekea, hata ikabhehe nga nusu ja ukolo gwangu."

24 Penapo jono mwali bhakabhoka, bhakaakonya anyongo bhabhe, "Naajope chiniki?"

Nabhena anyongo bhabhe akaajangula, "Nnyope mutwe gwa Ayohana Ambatichaji."

25 Amwali bhakaabhujila akolo chindema bhakaajopa, "Mbala umbekee ngocheni mutwe gwa Ayohana Ambatichaji mu chipalo."

26 Akolo bhakakokoleka muno, nambo kwa ligongo lya kulapila kwabhe na ligongo lya bhenibhala akaageni bhabhakaalalika bhakalepela kwaakanikila. 27 Bahi, akolo bhakaakulumikia linyemba kuguleta mutwe gwa Ayohana. Alinyemba bhakajaula, bhakajaula mu chitabho na bhakaaheketa mutwe Ayohana, 28 ngapena bhakaguleta mutwe mu chipalo, na kwaapekea amwali nabhena amwali bhakampekea anyongo bhabhe.