Lucas 8

49 Yeisu woi ye gnyi woi daɓo, əzaho wa ɓe woi gbmi ń Yarus pwuwa, Ayahudiyibwokwnu tukwoda. Wa gna, "Əho nyigwnu wo la fyí. To shna nyawuyi gnagna m."

50 Shi Yeisu ɓə wo ɓəye, wa gna Yarus, "To wodna m, la gaiciya nu ɓwa ga, wo ɓa ɓwa kágna."

51 Shi wo ɓə si Yarus pwuwa, to wa ye nge zahozahoyi wo lodna ń kwnusnu n woi m akpəge Byitusu, Yohana n Jemyisii, ń əɓyi dadai ɓədo n əyai. 52 N əsayii, aza vnyanya ɓə zhi ɓai ciɓwi nu jesnu ɓai zhni bwugbazhiizhii ntu əwo ɓo.

Yeisu wa gna, "Fye kwu fa ɓwuci ɓo, wo too fyi m, ama wo wnagye nu."

53 Ba ma wo asna, ntuge ɓa ɓə kpe ge wo la fyí.

54 Ama wa taɓwashi wo ń əɓwa wa gna, "Əmi əɓyi, laka!" 55 Əwo zafnu kwa jezeɓe da wo, n əsagbmanyii wa laka gnyiagnyi. Nlonu Yeisu wa gna ɓa ge ɓa ga wo nyaho wa gyi.

56 Ca wo əwo azamayi, ama wa tugbe nge, ɓa to gna zahozahoyi əɓo n kwo kwu zhni nyi m.